کرکوک-جیهان یئنی نفت بورو خطی چکیلیر
عراق نفت ناظیرینین معاوینی فیاض نومان، اؤلکه نفتینی تورکیه داشییاجاق یئنی بورو خطینین چکیمی اوچون ایشلرین داوام ائتدیگینی سؤیلهدی
عراق نفت ناظیرینین معاوینی فیاض نومان، اؤلکه نفتینی تورکیه داشییاجاق یئنی بورو خطینین چکیمی اوچون ایشلرین داوام ائتدیگینی سؤیلهدی.
نعمه، عراقین رسمی قزئتی صاباحا وئردیگی آچیقلامادا، موصولاون 2017ده ترور تشکیلاتی داعشدن گئری آلینماسیندان سونرا قالخینماسی گوندمه گلن یئنی کرکوک-جیهان بورو خطی اوچون ایشلرین داوام ائتدیگینی ایفاده ائتدی.
تورکیه ایله الده ائدیلن موذاکیرهلر نتیجهسینده چکیلهجک بورو خطینین عراق کورد بؤلگهسل رهبرلیگیندن کئچن موجود بورو خطی ایله کئسیشمیهجگینی دیله گتیرن نومان، یئنی خطین داشیما حجمینین ده گوندهلیک 1 میلیون بوشکا جیواریندا اولاجاغینی ایفاده ائتدی.
تورکیه ایله عراق آراسیندا 1973ده ایمضالانان آنلاشما نتیجهسینده چکیلمهیه باشلانان کرکوک-جیهان بورو خطی 1987ده خیدمته گیردی.
آمریکانین 2003ده عراقی ایشغال ائتمهسیندن سونرا سیلاحلی قروپلارین هدفی حالینا گلن بورو خطی، ترور تشکیلاتی داعشین ژوئن 2014ده موصولو اله کئچیرمهسی سببیله خیدمت خاریجی قالدی.
تشکیلات، بورو خطینین عراق تورپاقلاریندان کئچن مسیرین بؤیوک بؤلومونو الینده توتونجا، تورکیه بیرباشا ایخراج دایاندیریلدی. داعشین عراقدان تمیزلنمهسیندن سونرا کرکوک و اؤلکهنین دیگر بؤلگهلریندکی قویولاردان چیخاریلان خام نفتین تورکیه اوزریندن دونیا بازارینا سؤوق ائدیلمهسی اوچون یئنی بیر بورو خطینین چکیمی گوندمه گلدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.