عراق‌دا سیویل اطاعت‌سیزلیک حرکت‌لری
عراق‌ین باشکندی بغداددا حکومت علیهداری گؤستریچی‌لر بیر چوخ یولو ترافیکه باغلایا‌راق سیویل اطاعت‌سیزلیک حرکتی باشلاتدی
عراق‌ین باشکندی بغداددا حکومت علیهداری گؤستریچی‌لر بیر چوخ یولو ترافیکه باغلایا‌راق سیویل اطاعت‌سیزلیک حرکتی باشلاتدی.
یئرلی قایناق‌لاردان آلینان معلوماتا گؤره، بغدادین ریسافا یاخاسیندا باشقان بؤلگه‌سی ایله بیر چوخ نقطه‌سینده اعتیراضچی‌لار یول‌لاری باغلایا‌راق سیویل اطاعت‌سیزلیک حرکتینه باشلادی.
اعتیراضچی‌لار، بعضی کؤرپولری ده رئزین یان‌دیرا‌راق ترافیکه باغلادی. باشکندین کاره یاخاسیندا دا سؤز موضوعسو حرکته تابع اولوب بعضی نقطه‌لرده رئزین یاندیریلدیغی باخیلدی.
باشقان بؤلگه‌سینده دونن آخشام بیر قروپ اعتیراضچی طرفین‌دن خالقین سیویل اطاعت‌سیزلیک حرکتینه قاتیلماسی چاغیریش‌لاری ائدیلمیشدی. اؤلکه‌نین جنوبون‌داکی واسطه و ناصیریم ویلایت‌لرینده ده بیر قروپ گؤستریجی، آنا یول‌لاری خصوصی واسیطه‌لریله باغلایا‌راق حرکته قاتیلدی.
عراق‌لی‌لار، ایشسیزلیک، یاسادیشی و دولت خیدمت‌لری‌نین یئترسیز‌لیگینی اعتراض ائتمک مقصدیله اؤلکه‌نین موختلیف بؤلگه‌لرینده اعتراض‌لار تشکیل ائدیر.
1 اوکتوبر دا حرکته کئچن آکتیویست‌لر، عربعین مراسیم‌لری سببیله آرا وئردیک‌لری گؤستری‌لره 25 اوکتوبردا تکرار باشلادی.
باشکند بغداد باشدا اولماقلا اؤلکه‌نین اورتا و جنوب شهرلرینه یاییلان حرکت‌لرده، اوکتوبر آیی‌نین اوّلین‌دن بو یانا تخمینن 200 دن چوخ آدام اؤلدو، 8 مینه یاخین آدام یارالانیب. بیرلشمیش میللت‌لر تشکیلاتی‌نین ایسه عراق‌دا اعتراضلارین باشلاماسین‌دان بو یانا 229 گؤستریچی‌نین ارلدوغونو آچیقلامیشدی.
