"بغدادی آمریکانین کشفی ایدی"

روسیا خاریجی ایشلر باخانی سرگئی لاوروو، ترور هؤرگوتو داعشین اسکی لیدئری ابوبکر البغدادی ایله ایلگیلی "آمریکا بیرلشمیش دؤولتلرینین بیر کشفی ایدی" آچیقلاماسینی ائتدی.

رو‌سیا ۲۴ کانالینا دانیشان خاریجی ایشلر باخانی لاوروو، داعشین اسکی لیدئری بغدادینین اؤلومو ایله ایلگیلی دانیشدی.

بغدادینین اؤلومو قونوسون‌دا آمریکادان فرق‌لی بیر دگرلندیرمه ائد‌ن لاوروو،

"بغدادی، آمریکانین بیر بولوشو ایدی. ساوونما باخانیمیز بغدادی حاقین‌دا بیر آچیقلاما وئردی. بو قونودا داها چوخ معلومات ایسته‌ییریک. اوردوموز علاوه تاپقیلار اوزرین‌ده چالیشیر و آمریکانین (بغدادینین اؤلومویله ایلگیلی) دئدیکلرینین چوخونو هله ده تصدیق ائده‌بیلمیر" ایفاده‌لرینی ایشلتدی.

آمریکانین ۲۰۰۳.جو ایلده عراقی ایشغال ائتمه‌سین‌دن سونرا یاشانانلارا عطفاً لاوروو،

"داعش، عراقداکی یاسادیشی ایشغال، عراق دؤولتینین چؤکمه‌سی و آمریکالیلارین حبسخانالارداکی آشیریلیق‌چیلاری سربست بوراخماسینین آردین‌دان یوکسلدی. بو سبب‌دن آمریکالیلار، دوغومونو تعامین ائتدیکلری بیرینی اورتادان قالدیرمیش اولدولار، اگر حقیقتاً ائتدیلر ایسه" شکلینده دانیشدی.

 آمریکا پرزیدنتی دونالد ترامپ، بازار گونو تشکیل ائتدیگی مطبوعات کنفرانسیندا، بغدادینین، سوریه‌نین ادلب شهرین‌ده اولدوغو ائوین آلتین‌داکی اوجو باغلی تونللردن بیرینه گیردیک‌دن اؤزونو پاتلاداراق یانین‌داکی ۳ اوشاقلا اؤلدویونو آچیقلامیشدی.