اؤلنلرین ساییسی ۱۰۰ نفر اولدو

عراق‌دا جمعه گونون‌دن بو یانا داوام ائد‌ن حکومت قارشیدی گؤستریلر سیراسیندا اؤلنلرین ساییسی ۱۰۰ نفر اولدو.

عراق مجلیسینه باغلی اینسان حاقلاری کمیسرلیگی طرفین‌دن وئریله‌ن یازیلی آچیقلامادا، باشکند بغداد ایله اؤلکه‌نین اورتا و گونئی شهرلرین‌ده سون ۶ گوندور تشکیل ائدیله‌ن اعتراضلار سیراسین‌دا حیاتینی ایتیره‌نلرین ساییسینین ۱۰۰ نفره چاتدیغی ایفاده ائدیلدی.

آچیقلامادا، گؤستری‌چیلر و گوونلیک گوجلرین‌دن یارالانانلارین ساییسینین ایسه ۵ مین ۵۰۰ نفره یوکسلدیگی قید ائدیلدی.

عراق‌لیلار، ایش سیزلیک، مالی فساد و دؤولت خیدمتی یئترسیزلیگینه اعتراض مقصدیله اؤلکه‌نین مختلیف بؤلگه‌لرین‌ده گؤستریلر تشکیل ائدیر.

اکتبر آیینین باشین‌دا کوچه‌لره چیخان گؤستریچیلر، اربعین مراسیملری سببیله آرا وئردیکلری گؤستریلره جمعه گونو یئنی‌دن باشلامیشدی.