قاتاردا یانغین فاجعه‌سی
ایلک بیلگی‌لره گؤره ۶۵ نفر حیاتینی ایتیردی
پاکیستانین لیاقت‌پور شهری یاخینلیغین‌دا اوچ واگونو آلوو آلان یولچو قاتارین‌دا ایلک بیلگی‌لره گؤره ۶۵ نفر حیاتینی ایتیردی.
پاکیستان دمیریوللاری باخانی شیخ رشید احمد وئردیگی آچیقلامادا، اؤلکه‌نین گونئیینده‌کی کراچیدن قوزئیده‌کی راولپندی‌یه گئدن تزگرام اکسپر‌سین‌ده، رحیم یار خان شهرینین لیاقت‌پور ائلچه‌سی یاخینلارین‌دا بیر پاتلامانین آردین‌دان یانغین چیخدیغینی بیلدیردی.
احمد، پاتلامایا یولچولارین یانلارین‌دا داشیدیقلاری، یئمک حاضرلاماق اوچون ایستیفاده ائتدیکلری، "کمپ اوجاغی" اولاراق بیلینه‌ن ایکی کیچیک کپسولون سبب اولدوغونو ایفاده ائدرک، ترنده‌کی یولچولاردان بعضیلرینین پاتلاما سونراسین‌دا و یانغین سیراسیندا قورخویلا قاتاردان آتیلدیقلاری اوچون حیاتینی ایتیردیگینی ایفاده ائتدی.
اؤلو و یارالیلارا باغلی آچیقلاما وئرن پنجاب ایالتی ساغلیق باخانی یاسمین رشید ایسه، اؤلو ساییسینین ۶۵ نفره چاتدیغینی، یارالیلارین ایسه ۴۰ین اوزرین‌ده اولدوغونو سؤیله‌دی.
رحیم یار خان آختارما قورتارما بیریمی باشقانی بکیر حسین ایسه اؤلو و یارالیلار آراسین‌دا قیسماً و تامامیله یانانلارین اولدوغونو، اؤلنلرین بیر قیسمینین تانیناماز حالا گلدیگی اوچون کیملیکلرینین دی.ان.ای آنالیزیله معینلشدیردیگینی ایفاده ائتدی.
قورتارما و معالیجه ایشلرینه دستک اوچون پاکیستان اوردوسو دا دکترلارینی بؤلگه‌ده‌کی خسته‌خانالارا و قضا یئرینه گؤندردی.
اوردو، وضعیتی حساس اولان یول‌چولاری، باشقا خسته‌خانالارا گؤندرمک اوچون هلیکوپتر آمبولانس دا گؤندریله‌‌جگینی آچیقلادی. قضانین آردین‌دان پاکیستان پرزیدنتی عارف علوی، سوسیال مئدیادان وئردیگی آچیقلامادا، دویدوغو کدر و حیاتینی ایتیره‌نلرین یاخینلارینا باش ساغ‌لیغی دیلکلرینی دیله گتیردی.
باشباخان عمران خان دا بنزر آچیقلامالار ائدرک، سرعت‌لی بیر سوروشدورما ائدیلمه‌سی اوچون امر وئردیگینی قید ائتدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
