ایراندان سوچی آنلاشماسینا دستک
"ایران، تورپاق بوتؤولویو، میللی حاکمیتی گوجلهندیرمک، بؤلگهیه دینجلیک و ثابیتلیین گلمهسی آدینا هر جور گیریشیمی ممنونیتله قارشیلاییر"
ایران خاریجی ایشلر باخانلیغی سؤزچوسو عباس موسوی، تورکییه ایله روسیا آراسیندا سوریه قونوسوندا واریلان آنلاشمانی ممنونیتله قارشیلادیقلارینی بیلدیردی.
ایران خاریجی ایشلر باخانلیغی اینترنت سایتیندان وئریلهن یازیلی آچیقلامادا موسوی، تورکییه ایله روسیا آراسینداکی آنلاشمایا دایر دگرلندیرمهلر وئردی.
موسوی،
"ایران، تورپاق بوتؤولویو، میللی حاکمیتی گوجلهندیرمک، بؤلگهیه دینجلیک و ثابیتلیین گلمهسی آدینا هر جور گیریشیمی ممنونیتله قارشیلاییر. بو باخیمدان قوزئی سوریهدهکی چاتیشمالاری سونلاندیرماق اوچون روسیا ایله تورکییه آراسیندا واریلان آنلاشمانی ثابتلیک و دینجلیک تامین اولونماسی اوچون آتیلان مثبت آددیم کیمی دگرلندیریریک" ایفادهلرینی ایشلتدی.
سؤزوگئدن آنلاشمانین، تورکییهنین قایغیلارینی آرادان قالدیرماسینی و سوریهنین تورپاق بوتؤولویو ایله میللی حاکمیتینی گۆجلندیرمهسینی ساغلاماسینی اومود ائتدیکلرینی دیله گتیرهن موسوی، قایغیلارین آرادان قالدیریلماسی اوچون آدانا آنلاشماسی محورینده آنکارا ایله دمشق آراسیندا دیالوگ اوچون یاردیمچی اولاجاقلارینی بیلدیردی.
آمریکا گوجلرینین بؤلگهدن چکیلمهسینین بؤلگهنین گوونلیگی و دینجلیگینهقاتقی وئرجگینی ایفاده ائدن موسوی،
"آستانا پروسهسینده سوریهده باریش و گوونلیگی تامین ائدجک آنایاسا حاضرلاما کمیتهسی یاخین واختلاردا گرچکلشدیریلهجکدیر" دئیه بیلدیردی.
جمهورباشقانی رجب طیب اردوغان ایله روسیا پرزیدنتی ولادیمیر پوتین دونن روسیانین سوچی شهرینده بیر آرایا گلهرک سوریهنین قوزئیینه دایر ۱۰ مادهلیک آنلاشما متنی اوزرینده آنلاشمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.