ایران‌دا 540 میلیارد متر مکعب‌لیک طبیعی گاز رزروی تاپیلیب

ایرانین جنوبون‌داکی فارس ایالتینده آپاریلان آختارما ایشلرینده 540 میلیارد مترمکعب‌لیک طبیعی گاز رزروی‌نین اولدوغو بیلدیریلیب.

ایران میللی نفت شیرکتی باش دیرکتور معاوینی رضا دهقان‌ین نفت ناظیرلیگی سایتیندا یئر آلان آچیقلاماسیندا فارس ایالتی‌نین جنوبوندا یئنی بیر طبیعی گاز رزروی‌نین اولدوغو بیلدیریلدی.

دهقان، سؤز قونوسو بؤلگه‌ده کئچن ایل باشلایان آختارما ایشلری نتیجه‌سینده 4 مین 632 متر درین‌لیکده 19 تریلیون فیتکوپلوک (540 میلیارد متر مکعب) طبیعی گاز رزروی اولدوغونو، بونون 13 تریلیون فیتکوپونون چیخاراجاغینی بیلدیریب.

ایرم آدینی وئردیک‌لری و شیرازین 200 کیلومتر جنوبوندا یئرلشن یئنی گاز ساحه‌سی‌نین، 40 میلیارد دو‌لار مبلغین‌دکی 385 میلیون بوشکا طبیعی گاز کوندنساتینا مالیک اولدوغونو بیل‌دیرن دهقان، ایرم گاز ساحه‌سی‌نین، جنوبی پارس بیر بؤلومه برابر اولدوغونو و تهرانین 16 ایللیک طبیعی گاز رزروینی اؤدیه‌جگینی بیلدیریب.

ایران میللی نفت شیرکتی کشفیات ایشلری مودیری صالح هیندی، 9 اوکتوبردا وئردیگی آچیقلامادا، اولان رزروین 1 تریلیون متر مکعب اولدوغونو سؤیله‌میشدی.

میللی نفت شیرکتی معلومات‌لارینا گؤره، تخمینن 33 تریلیون متر مکعب طبیعی گاز رزروی اولان ایران، بو ساحه‌ده دونیادا روسیا‌دان سونرا ایکینجی یئری توتور.

تدبیرده قاتیلانلارا سرتیفیکات‌لاری تقدیم ائدیلیب.