۳ مینه یاخین جسد تاپیلدی

هیند اینسان حاقلاری ساوونوجولاری جاممو و کشمیرین قوزئیینده ان آز ۲ مین ۹۰۰ اینسانین باسدیریلدیغی توپلو مزارلار اولدوغونو بیلدیردی. ده هیندو قزئتین‌ده یئر آلان خبره گؤره، اولوسلارآراسی اینسان حاقلاری محکمه‌سی و کشمیرده‌کی عدالت محکمه‌سی آدلی سیویل توپلوم گیریشیمی، یاییملادیغی راپوردا جامو و کشمیرین قوزئیینده‌کی باندیپورا، بارامولا و کوپوارا بؤلگه‌لرین‌ده‌کی ۵۵ کندده ائدیله‌ن آختاریشلاردا ۲ مین ۷۰۰ مزارین آچیغا چیخاریلدیغینی، مزارلاردا ان آز ۲ مین ۹۰۰ اینسانین جسدینین تاپیلدیغینی ایفاده ائتدی.

هیندیستان میللی اینسان حاقلاری کمیسیونو و جا‌مو و کشمیر اینسان حاقلاری کمیسیونونون حادثه‌یه مداخیل اولماسینی طلب ائد‌ن قورولوش، توپلو مزارلارا باغلی تاپینتیلاری احتیوا ائد‌ن راپورون، جا‌مو و کشمیرین لغو ائدیله‌ن ایالت رهبرلیگینین اسکی باشباخانی عمر عبداللها و هیند حکومتینین ایلگیلی بیریملرینه چاتدیریلدیغی قید ائدیلدی.

کشمیرده‌کی عدالت محکمه‌سینین قوروجوسو آنگانا چاترژی، معین ائدیله‌ن ۲ مین ۷۰۰ مزاردان ۲ مین ۳۷۳ونون آدسیز اولدوغونو، ۱۵۴ مزاردا ۲ جسد، ۲۳ مزاردا ایسه ۳ ایله ۱۷ جسد تاپیلدیغینی ایفاده ائتدی.

هیند حکومتی ۵ آگوست ۲۰۱۹دا ائتدیگی آنایاسا دییشیکلیگی ایله جا‌مو و کشمیره یاریم عصردن اوزون مدت‌دیر آیریجالیق تانییان ۳۷۰.جی ماده‌سینی ۵ آگوستدا لغو ائد‌رک، بؤلگه‌نین اؤزل ایستاتوس‌لو قورولوشونو اورتادان قالدیرمیش، جا‌مو و کشمیری ایکی بیرلیک تورپاغینا آییرمیشدی.