آمریکا، کؤرفزه حربی گوج گؤندره‌جک
اسپر، باشقان ترامپین آمریکا بیرلشمیش دؤولتلری گوجلرینین بؤلگه‌یه سؤوق ائدیلمه‌سینه اونای وئردیگینی ایفاده ائتدی
آمریکا بیرلشمیش دؤولتلرینین ساوونما باخانی مارک اسپر، سعودی عربیستان و بیرلشمیش عرب امیرلیکلرینین طلبی ایله کؤرفزه هاوا ساوونما قونوسوندا دستک وئرمک اوچون حربی گوج گؤندره‌جکلرینی آچیقلادی.
آغ ائوده سعودی عربیستانین آرامکو نفت تاسیسلرینه قارشی سالدیرییا دایر ائدیلن میللی گوونلیک توپلانتیسین‌دان سونرا باخان اسپر، آمریکا بیرلشمیش دؤولتلری باش قرارگاه رئیسی ژنرال جوزف دانفورد ایله پنتاگون‌دا اورتاق مطبوعات کنفران‌سی تششکیل ائتدی.
بوتون ایشاره‌لرین سالدیریدان ایرانین مسئول اولدوغونو گؤستردیگینی وورغولایان اسپر، اولوسلارآراسی توپلومون دا اولوسلارآراسی نورم و قوراللاری قوروماق مسئله‌سین‌ده مسئولیتی اولدوغونو بیلدیردی.
سعودی عربیستان حساس آلت یاپیلارینی قوروماغا کؤمک‌چی اولماق اوزره اولوسلارآراسی دستک طلب ائتدیگینی، بیرلشمیش عرب امیرلیکلرینین ده آیریجا یاردیم طلب ائتدیگینی بیلدیره‌ن اسپر، باشقان دونالد ترامپین آمریکا بیرلشمیش دؤولتلری گوجلرینین بؤلگه‌یه سؤوق ائدیلمه‌سینه اونای وئردیگینی ایفاده ائتدی.
آمریکا بیرلشمیش دؤولتلری باش قرارگاه رئیسی ژنرال جوزف دانفورد ایسه گؤندریله‌جک گوجلرین اساسیندا ساوونما آماجلی اولاجاغینی آچیقلادی.
سعودی عربیستانین میللی نفت شیرکتی آرامکویا عاید ایکی تاسیسده، اؤتن هفته یئرلی ساعاتلا ۰۴.۰۰ده سلاح‌لی اینسان‌سیز هاوا آراجلاری ایله تشکیل اولونان سالدیری نتیجهسینده یانغین چیخدیغی آچیقلانمیشدی. یمن‌ده‌کی ایران دستک‌لی حوسثیلر، اؤلن یا دا یارالانانین اولمادیغی سالدیرینی ۱۰ سلاح‌لی اینسان‌سیز هاوا آراجلاری ایله ائتدیکلرینی ادعا ائتمیشدی.
ایلگیلی‌لی خبرلر
ایراندا 5 ریشتر گوجونده زلزله
رضوی خراسان ایالتینین کاشمر بؤلگه‌سینده زلزله نتیجهسینده 4 نفر اؤلوب 120 نفر‌ده خسارت آلیب
