بنیامین نتانیاهو امریکایا سفرینی لغو ائتدی
ایسرایلین باش ناظیری بنیامین نتانیاهو امریکانین نیویورک شهرینده تشکیل ائدیله‌جک بمت-نین باش مجلیسی‌نین ایجلاسینا قاتیلماق اوچون بو اؤلکه‌یه ائدجگی سفری لغو ائتدی.
ایسرایلین باش ناظیری بنیامین نتانیاهو امریکانین نیویورک شهرینده تشکیل ائدیله‌جک بمت-نین باش مجلیسی‌نین ایجلاسینا قاتیلماق اوچون بو اؤلکه‌یه ائدجگی سفری لغو ائتدی.
باش ناظیرلیک اوفیسیندن وئریلن آچیقلامایا گؤره، فوق العاده سئچکی‌لرده پارتیسی سس ایترن نتانیاهو ایسرایل‌دکی وضعیته گؤره گله‌جک هفته کئچیریله‌جک بمت باش مجلیسی‌نین 74-جو ایجلاسینا قاتیلمایا‌جاق.
نتانیاهونون نیویورکا سفری زامانی امریکا پرزیدنتی دونالد ترامپلا گؤروش کئچیرجگی گؤزلنیردی.
ترامپ ایله نتانیاهو شنبه گونو تلفونلا دانیشمیش و امریکا پرزیدنتی سوسیال شبکه‌ده وئردیگی آچیقلامادا بمت-نین عمومی ایجلاسیندا نتانیاهو ایله گؤروش کئچیرجگینی بیلدیرمیشدی.
ایسرایل مرکزی سئچکی کومیته‌سی‌نین چرشنبه آخشامی گونو کئچیریلن سئچکی‌لرله علاقه‌دار سون یایدیغی نتیجه‌لرده سس‌لرین 90 فایزی‌نین ساییلدیغی ایفاده ائدیلدی.
