طالبان هئیتی تهراندا
طالبان تشکیلاتی نمایندهلریندن عبارت اولان بیر هئیت، ایرانین باشکندی تهراندا افغانیستانداکی باریش گؤروشمهلری ایله باغلی دانیشیقلار آپاریب
طالبان تشکیلاتی نمایندهلریندن عبارت اولان بیر هئیت، ایرانین باشکندی تهراندا افغانیستانداکی باریش گؤروشمهلری ایله باغلی دانیشیقلار آپاریب.
ایرانین یئرلی مئدیاسیندا یئر آلان خبرلره گؤره، طالبان سیاسی بورو عضولریندن عبارت نماینده هئیتی روسیانین باشکندی موسکوا سفرینین آردیندان تهراندا ایران خاریجی ایشلر ناظیرلیگی مقاملاری بیر آرایا گلدی.
طالبان هئیتینین ایرانلی رسمیلرله افغانیستانداکی باریش گؤروشمهلری ایله باغلی فیکیر موبادیلهسی آپاردیغی قئید اولونوب.
بونون، آمریکانین پرزیدنتی دونالد ترامپین باریش دانیشیقلارینی دایاندیرماسینین آردیندان نماینده هئیتینین تهرانا ائتدیگی ایکینجی سفر اولدوغو ایفاده ائدیلیب.
ترامپ، بیر آمریکا عسگرینین ده اؤلدوگو کابیلدکی سون سالدیری سببیله طالبانلا داوام ائدن باریش دانیشیقلارینی 8 سپتامبردا دایاندیردیغینی آچیقلامیشدی.
ترامپ آیریجا افغانیستان پرزیدنتی اشرف غنی و بعضی طالبان لیدرلری ایله کمپ دیوید کئچیریلمهسی پلانلاشدیریلان گیزلی گؤروشمهلرین ده لغو ائدیلدیگینی بیلدیرمیشدی.
اؤتن هفته موسکوادا دانیشیقلار آپاران طالبان نماینده هئیتی ایله گؤروشن روسیا پرزیدنتی ولادیمیر پوتینین افغانیستان اؤزل نمایندهسی زامیر کابولوو، طالبانین آمریکا ایله باریش دانیشیقلارینا داوام ائتمهیه حاضیر اولدوغونو سؤیلمیشدی.
بو آرادا، طالبانین قطرده سیاسی اوفیس سؤزچوسو محمد سوهیل شاهین، تشکیلات ایله آمریکا آراسینداکی باریش دانیشیقلارینا دایر،
طالیبان، آمریکانین تعهد ائتدیکلرینی یئرینه یئتیرمهسی حالدا، ائدیلن آنلاشمالارا صادق قالاجاق. عکس تقدیرده آمریکا، ساواشین داوام ائتمهسیندن مسئول اولاجاق". دئدی.
طالبانین افغانیستاندا باریشینن تامین ائدیلمهسی مسئلهسینده ایکی ایستراتژی ایزلهیهبیلهجگینه دقتی چکن شاهین،
باغیمسیزلیق اوچون یا موذاکیره ماساسیندا یا اواش میدانیندا موباریزه ائتمهیه حاضیریق. موستقیل بیر اؤلکهده یاشاماق حاقیمیزدیر". شکلینده دانیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.