صدر، خامنه‌ای و سلیمانی ایله گؤرولدو
ایرانا قارشی تنقیدی داورانیشی ایله تانینان صدرین، خامنه‌ای و سلیمانی ایله گؤرولمه‌سی دقتلری چکدی و عراق‌دا دارتیشمالارا سبب اولدو
عراق‌دا صدر حرکتی لیدئری مقتدا الصدر، ایران دینی لیدئری علی خامنه‌ای و ایران انقلاب محافظلری اوردوسونا باغلی قدس گوجو باشچیسی قاسم سلیمانی ایله گؤرولدو.
فارس خبر آژانسینین سوسیال مئدیا تویتر حسابین‌دان یایینلانان شکیللرده، عراق‌لی شیعه لیدئر صدرین، ایران‌دا عاشورا گونو موناسیبتی ایله تشکیل اولونان ماتم‌ده خامنه‌ای و سلیمانی ایله یاناشی اوتوردوغو گؤرولدو.
ایرانا قارشی تنقیدی داورانیشی ایله تانینان صدرین، خامنه‌ای و سلیمانی ایله گؤرولمه‌سی دقتلری چکدی و عراق‌دا دارتیشمالارا سبب اولدو.
صدر، گئچن جمعه گونو وئردیگی آچیقلامایلا اؤلکه‌سین‌ده‌کی حکومت‌دن دستگینی چکه‌بیله‌جگی تهدیدی ائد‌رک، ایرانا گئتمیشدی.
عراق‌دا ان بؤیوک شیعه دستگینه صاحب صدرین داها سونرا قوم شهرین‌ده محرم آیی مراسملری سیراسیندا یول‌دان گئچنلره نذر یئمه‌گی پاییلارکن گؤرولموشدو.
مقتدا صدره باغلی سائرون کوالیسیونو، ۳۲۹ یئرلیک مجلیس‌ده ۵۳ وکیلله بیر سیاسی قروپ قونوموندادیر.
