سئچکی لرده "واحید روسیا" پارتیسی غالیب گلدی
روسیا فدراسیونوندا هفته سونو کئچیریلن یئرلی سئچکی‌لرده وئریلن سس‌لرین ساییمی اساساً باشا چاتیب.
روسیا فدراسیونوندا هفته سونو کئچیریلن یئرلی سئچکی‌لرده وئریلن سس‌لرین ساییمی اساساً باشا چاتیب.
اؤلکه‌نین 85 بولگه سینده کئچیریلن 5 مین موختلیف سویه‌دکی یئرلی سئچکی‌لرده خالق 16 بولگه ده والی، 22 بولگه ده شهر مجلیسی، 13 قانون وئریجی مجلیسی، 3 بلدیه صدرینی سئچمک اوچون سئچکی منطقه‌لرینه گئتدی.
سس وئرمه‌نین ایلکین نتیجه‌لری روسیا مرکزی سئچکی کمیسیونو طرفیندن هر بولگه‌یه گؤره آچیقلاندی.
باشدا سن پترزبورگ، ساخالینسک، باشکورتوستان اولماقلا، اؤلکه میقیاسیندا 16 فرق‌لی بولگه ده موجود والی لر و یا مرکزی حاکمیت طرفیندن تعیین اولونان و روسیا پرزیدنتی ولادیمیر پوتین ین "واحید روسیا" پارتیسی‌نین نامیزدلری غالیب گلدی.
دیگر بولگه لرده کئچیریلن یئرلی سئچکیلرین غالیبی ده اقتدارداکی "واحید روسیا" پارتیسی اولدو.
مستقل نامیزدلرین قئیدیاتی‌نین لغو ائدیلمه‌سی سببیندن گون‌لردیر پایتاخت موسکوا کوچه‌لرینده موخالیف‌لرین اعتراض آکسیاسی‌نین آدرسی اولان موسکووا شهر مجلیسی بوتون سئچکی صاندیق لاری آچیلدی.
بئش ایل اوولکی سئچکی‌لرده 21،04 فایز سئچیجی فعال‌لیغی‌نین موشاهیده اولوندوغو موسکوا شهر مجلیسی ینده بو سئچکی‌لرده ده ایشتیراک نیسبتی چوخ دییشمیدی، 21،77 فایز اولدو.
ایلکین نتیجه‌لره گؤره، شهر مجلیسی ینده کی 45 یئرین 25-نی پرزیدنتی ولادیمیر پوتین ین "واحید روسیا" پارتیسی‌نین دستکله‌دیگی بی طرف نامیزدلر قازانا‌راق اکثریت الده ائدیب‌لر. بیری بی طرف اولماقلا، جمعی 20 نفر ایسه موخالیفت نامیزدی سئچیلیب.
قئید ائدک کی، اوولکی سئچکی‌لرده "واحید روسیا" پارتیسی موسکوا شهر مجلیسینده 28 یئر قازانمیشدی.
کرملین سؤزچوسو دمیتری پسکوو سئچکی‌لرده "واحید روسیا" پارتیسی‌نین اؤلکه میقیاسیندا لیدر اولدوغونو بیل‌دیره‌رک: "بوتؤولوکده قیمتلندیردیکده، "واحید روسیا" پارتیسی اولدوقجا اوغورلودور" ایفاده‌لرینی ایشلتدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
