آنلاشماسیز بریکسیتین قارشی‌سینی آلا‌جاق لاییحه‌یه کرالیچه‌دن اونای
اینگیلیستان کرالیچه‌سی 2-جی الیزابت آنلاشماسیز بریکسیتی قارشی‌سینی آلماغا یؤنلمیش لاییحه‌نی ایمضالییب
اینگیلیستان کرالیچه‌سی 2-جی الیزابت آنلاشماسیز بریکسیتی قارشی‌سینی آلماغا یؤنلمیش لاییحه‌نی ایمضالییب.
موخالیفت پنجه‌لری‌نین، حاکمیت‌دکی محافیظه‌کار پارتی ایچین‌دکی موخالیف میللت وکیل‌لری‌نین دستگی ایله پارلامنت‌دن کئچیردیگی آنلاشماسیز بریکسیتی قارشی‌سینی آلماغا یؤنلمیش لاییحه، دونن کرالیچه‌نین راضی‌لیغینی آلا‌راق یاسا‌لاشدی.
پارلامنتین آلت قانادی عوام کامراسی و اوست قانادی لوردلار مجلیسی لاییحه‌نی اؤتن هفته قبول ائتمیشدی.
لاییحه‌یه گؤره، اینگیلیس حکومتی، 19 اوکتوبرا قدر آورپا بیرلیگی ایله بریکسیت آنلاشماسی ائده‌مزسه و یا آنلاشماسیز آیریلیق اوچون پارلامنتین راضی‌لیغینی آلامازسا، آورپا بیرلیگیندن بریکسیت اوچون 3 آیلیق گئجیکدیرمه طلب ائتمه‌یه مجبور اولا‌جاق.
آورپا بیرلیگینین فرق‌لی بیر تاریخ تکلیف ائتمه‌سی وضعیتینده دا بونو قبول و یا رد صلاحیتی بریتانیا حکومتینده دئییل، پارلامنتده اولا‌جاق.
آنجاق اینگیلیستان مطبوعاتی‌نین حکومت ایچ منبع‌لره اساسلاندیردیغی خبرلره گؤره، باش ناظیر بوریس جانسون، بو قانونو تطبیق ائتممک اوچون مقاومت گؤسترمگی و فاکتیکی وضعیت یارادا‌راق اؤلکه‌نی 31 اوکتوبردا آورپا بیرلیگیندن آییرماغی پلانلاشدیریر.
جانسونون بو یولو سئچمه‌سی حالیندا میللت وکیلی‌نین مسئله محکمه‌یه داشیماسی احتیمالی وار.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
