آمریکا ایله طالبانین قطردکی گؤروشمهسی سونا چاتدی
آمریکانین افغانیستان خصوصی نمایندهسی زلمای خلیلزاد، قطرده گونلردیر داوام ائدن آمریکا-طالبان 9-جو باریش گؤروشمهلرینین تاماملاندیغینی آچیقلادی
آمریکانین افغانیستان خصوصی نمایندهسی زلمای خلیلزاد، قطرده گونلردیر داوام ائدن آمریکا-طالبان 9-جو باریش گؤروشمهلرینین تاماملاندیغینی آچیقلادی.
خلیلزاد، اجتماعی مئدیادان ائتدیگی آچیقلامادا، افغانیستانداکی ساواشین سون تاپماسی اوچون بوتون طرفلرین راضیلیغا چاتماسی لازیم اولدوغونو ایفاده ائتدی.
افغانیستاندا شیدتین آزالماسی اوچون باریشین یاخلاشدیقلارینا ایشاره ائدن خلیلزاد، طالبان ایله قطرده داوام ائدن باریش دانیشیقلارینی تاماملادیق، راضیلیغا یاخینلاشدیق. ایفادهسینی ایستیفاده ائتدی.
اؤن راضیلاشمانین تامین ائدیلمهسی حالیندا، طالبان و افغان حکومتی مسئوللارینین ان یاخین زاماندا اوز-اوزه دانیشیقلاری نظرده توتولور.
آمریکا ایله طالبان آراسیندا سون دانیشیقلار، افغانیستان تورپاقلارینین خصوصیله طالباناین نظارتینده اولان قیسیملرینین ترور تشکیلاتلاری اوچون اعتبارلی بؤلگه حالینا گلمهیهجگی ضمانتینه قارشیلیق، آمریکا عسگرلرینین اؤلکهدن تامامیله چکیلمهسی سؤزو چرچیوهسینده ایجرا ائدیلیر.