لبناندا، دیلی استار قزئتی بوش صحیفه‌لرله چیخدی

لبناندا، " the daily star" قزئتی بوش صحیفه‌لرله چیخدی

لبناندا یاییملانان " the daily star"  قزئتی، اؤلکه‌دکی ایقتیصادی و سیاسی پروبلم‌لره دقتی چکمک اوچون بوگونکو ساییسی‌نین صحیفه‌لرینی بوش بوراخدی.

اؤلکه‌ده اینگیلیسجه یاییم‌لانان ان اسکی قزئت‌لردن بیری اولان " the daily star"ین بوگونکو باسقینین ایلک صحیفه‌سینده یالنیز بؤیوک حرف‌لرله یازیلان لبنان ایفاده‌سی و قزئتین لوقوسو یئر آلدی.

ایچ صحیفه‌لرینده اؤلکه‌نین سون دؤورده یاشادیغی ایقتیصادی و سیاسی وضعیته ایشاره ائدن جمله‌لره یئر وئرن " the daily star" قزئتی، ایکینجی صحیفه‌سینده ایسه قاچقین ایشلری دولت ناظیری صالح قریب این کونوویونو هدف آلان 30 ژوئندکی سیلاح‌لی سالدیرینین او گون‌دن بو یانا ناظیرلر هئیتی نون هفته‌لیک ییغینجاق‌لارینی مانع تؤرتدیگینی خاطیرلاتدی.

اوچونجو صحیفه‌سینده سیاسی گوج‌لرین سون زامان‌لاردا ایستیفاده مذهب اساس‌لی خیطاب‌لارینا دقتی چکن قزئت، دیگر صحیفه‌لرینده ده اؤلکه‌دکی قاچقین‌لار، ایشسیزلیک، غیری-قانونی سیلاح‌لار و زیبیل بحرانی کیمی پروبلم‌لره ایشاره ائتدی.

چاپی‌نین سون صحیفه‌سینده ایسه لبنان بایراغیندا یئر آلان سیدر آغاجی ایله گئج اولما‌دان اویانین  ایفاده‌سینه یئر وئریله‌رک مسئوللارا خبردارلیق مساژی وئریلدی.

دیلی ایستار قزئتی، لبنان دا 1952دن بو یانا اینگیلیسجه یاییم‌لانان ان اهمیت‌لی گونده‌لیک قزئت‌لردن بیری اولا‌راق بیلینیر.

لبناندا 4 آوقوست 1933دن بری یاییملانان نهار قزئتی ده 11 اوکتوبر 2018دکی نشرینده، اؤلکه‌دکی ایقتیصادی و سیاسی وضعیته دقتی چکمک مقصدیله صحیفه‌لرینی بوش بوراخمیشدی.