ایران و فرانسا پرزیدنت‌لری آراسیندا تلفون دانیشیغی اولوب

ایران پرزیدنتی حسن روحانی اؤلکه‌سی ایله فرانسانین بؤلگه‌دکی گرگین‌لیگی آزالتما جهدلرینه باخمایا‌راق، امریکانین تخریباتچی تشببوس‌لری‌نین اولدوغونو سؤیله‌دی.

ایران جمهور باشقانلیغیندان وئریلن معلوماتا گؤره، روحانی ایله فرانسا پرزیدنتی امانوئل ماکرون آراسیندا کئچیریلن تلفون دانیشیغیندا بصره کؤرفزی و اطرافین‌داکی گرگین وضعیت ایله اتم موقاویله مسئله‌سی موذاکیره اولوندو.

ایرانین هرمز بوغازیندا گمی‌لرین حرکت آزادلیغی و تهلوکه‌سیزلیگینه اهمیت وئردیگینی بیلدیرن روحانی "هر گون اونلارلا گمی سربست شکیلده بوغازدان کئچیر و ایران قوه‌لری ده دنیزچی‌لیک اساس‌لارینا گؤره بوغازا نظارتینی داوام ائتدیریر" دئدی.

امریکانین کؤرفز اطرافینداکی حرکت‌لرینی "تخریباتچی‌لیق" اولا‌راق قبول ائدن روحانی "تأسف کی، ایران و فرانسانین گرگین‌لیگی آزالتماق و ثابت‌لیگی تامین ائتمک اوچون اویغون شرط‌لر یاراتما جهدلری قارشی‌سیندا امریکانین تخریباتچی حرکت‌لری‌نین شاهیدی اولوروق" ایفاده‌لرینی ایشلتدی.

روحانی ایران و آوروپا آراسینداکی امکداشلیغین گوجلنمه‌سی‌نین بولگه سل و قلوبال میقیاسدا مثبت تأثیرلری‌نین اولاجاغینا دقت چکه‌رک بیلدیردی کی، فرانسا آوروپا بیرلیگینده ایرانین قدیم بیر طرفداشی اولا‌راق بو ایستیقامتده مثبت رول اوینایا بیلر.

فرانسا پرزیدنتی ماکرون دا اؤلکه‌سی‌نین اتم موقاویله‌سینه صادق اولدوغونو وورغولایا‌راق "اتم موقاویله‌ده طرف‌لرین قبول ائدجگی و ایرانین منفعت‌لری‌نین تامین ائدیله جگی بیر نتیجه الده ائتمک اوچون پاریس اوچون اهمیت داشیییر" دئدی.

روحانی و ماکرونون بولگه سل و اولوسلار آراسی مسئله‌لرله علاقه‌دار دانیشیق‌لارینی داوام ائتدیره‌جک‌لری بیلدیریلیب.