جامو و کشمیر ایکییه آیریلدی
جامو و کشمیر، اؤز قانونلارینی چیخارابیله‌ن اؤزارک بیر ایالت قونوموندا ایدی
هیندیستان، جامو و کشمیره آیریجالیق تانییان آنایاسا ماده‌سینی لغو ائتدی.
سئچیم کامپانیاسی دؤنمین‌ده، جامو و کشمیرین اؤزل ایستاتوسونون قالدیریلاجاغینا دایر سؤز وئره‌ن هیندیستانین باشباخانی نارندرا مودی لیدئرلیگین‌ده‌کی میللیت‌چی هیندیستان خالق پارتیسی حکومتی، مستقیل‌لیک سونراسی بؤلگه‌یه تانینان اؤزارک قورولوشو، دوننکی قراری ایله اورتادان قالدیراراق، بؤلگه‌نین آیریجالیقلی قونومونو سونلاندیردی.
هیندیستانین ۱۹۴۷ده اینگیلتره‌دن باغیمسیزلیغینی قازاندیغی گوندن بو یانا جامو و کشمیر، اؤز قانونلارینی چیخارابیله‌ن اؤزارک بیر ایالت قونوموندا ایدی.
بو اؤزل ایستاتوس، خاریجیلرین بؤلگه‌یه یئرلشمه‌سینه و مولک آلماسینا ایجازه وئرمه‌یه‌ن وطنداش‌لیق قانونونو دا احتیوا ائدیردی.
جامو و کشمیر، هیندو لیدئر هاری سینگ طرفین‌دن ایداره اولونان و مسلمانلارین اکثریت‌ده اولدوغو بیر ایالت ایدی.
اؤته یدان، هیندیستان ایچ ایشلری باخانی آمیت شاهین سوندوغو جامو و کشمیرین یئنی‌دن قورولماسی تکلیفی، فدرال پارلمانین اوست قانادی ایالتلر مجلیسیند‌ن گئچدی. قانونا گؤره، بؤلگه، جامو و کشمیر بیرلیک تورپاغی و لداخ بیرلیک تورپاغی اولاراق ایکییه آیریلدی. موخالیفتین بؤلگه‌ده "جهنم یاشاناجاق" تنقیدلرینه باخمایاراق باخان شاه، هئچ بیر شئی اولمایاجاغینی ،، بؤلگه‌نین کوزووایا بنزمه‌یه‌جگینی سؤیله‌دی.
قرارین، هیندیستان ایله پاکیستان آراسین‌داکی گرگین‌لیگی ده آرتیرماسی گؤزلنیلیر.
تکلیفینین گئچمه‌سی و ایالتین اؤزل ایستاتوسونون پرزیدنت امری ایله قالدیریلماسینین آردین‌دان، بؤلگه‌نین اسکی باشباخانلارین‌دان عمر عبدالله و محبوبا موفتی‌نین آخشام ساعاتلارین‌دا توتوقلاندیغی بیلدیریلدی.
ایلگیلی‌لی خبرلر
ایسرائیل‌ین غزه‌یه هوجوملاریندا ۴۴ فیلیسطین‌لی حیاتینی ایتیریب
ایسرائیل سپتامبرین۲۰-سی جومعه سحریندن اعتباراً غزه‌یه بیر چوخ هاوا هوجومو حیاتا گئچیریب
