داعشه قارشی عملیات
"عملیاتین ۱۰ گون داوام ائتمه‌سی پلانلاشدیریلیر"
عراقدا، کرکوکون باتیسینی موصولا باغلایان بؤلگه‌ده ترور هؤرگوتو داعشه قارشی عملیات باشلادیلدی.
کرکوک عملیاتلار باشچیسی ژنرال سعد حربیه، کرکوکون باتیسینی موصولا باغلایان بؤلگه‌ده داعش عنصورلارینا قارشی عملیات باشلادیلدی. عملیاتین ۱۰ گون داوام ائتمه‌سی پلانلاشدیریلیر" دئدی.
کرکوک- موصول خطینین زامان زامان گوونلیک گوجلرینی هدف آلان داعش سالدیریلارینا صحنه اولدوغونو خاطیرلادان حربیه، عملیاتین قورو، هاوا و ترورلا مباریزه گوجلری طرفین‌دن اورتاق اولاراق یئریدیلدیگینی بیلدیردی.
ترور هؤرگوتو داعش، ژوئن ۲۰۱۴ده موصول باش‌دا اولماقلا عراق تورپاقلارینین اوچده بیرینی اله گئچیرمیشدی. عراق گوونلیک گوجلری، دسامبر ۲۰۱۷ده سؤز قونوسو تورپاقلاری بؤیوک اؤلچوده گئری آلمیشدی.
داعشین بؤلگه‌دن چیخاریلماسی و شهرلرین گئری آلینماسینا باخمایاراق هؤرگوتون اؤزللیکله کرکوک، دیاله، موصول، صلاح‌الدین و انبار ویلایتلرینین چؤللوک بؤلگه‌لرین‌ده‌کی سالدیریلاری داوام ائدیر.
