نتانیاهو: ایران و حزباللهآ قارشی چالیشیریق
"بیز قوزئی جبههسینده ایران و حزباللها قارشی چالیشیریق و بونلاری بو گونلرده چوخ ائشیدیریک"
ایسراییل باشباخانی بنیامین نتانیاهو، قوزئی جبههسینده ایران و حزباللها قارشی چالیشدیقلارینی سؤیلهدی.
نتانیاهو ایسراییل دؤولتینین قورولماسیندا اؤنملی رول اوینایان میلیتان صهیونیست رویزیونیست حرکتین قوروجوسو و اقتدارداکی لیکود پارتیسینین فیکیر آتاسی ساییلان زیو ژابوتینسکینین (۱۸۸۰-۱۹۴۰) اؤلوم ایلدؤنومو موناسیبتیله ذۆزنلهن تدبیرده دانیشماسیندا، ایسراییلین دونن سوریهنین گونئییندهکی قنیطره ائلینه ائتدیگی موشک سالدیریسینا ایشاره ائتدی.
نتانیاهو، ایسراییلین ایران و حزباللهین سوریهدهکی یئرلشمهسینه وورغو ائتدیگی دانیشماسیندا،
"بیز قوزئی جبههسینده ایران و حزباللها قارشی چالیشیریق و بونلاری بو گونلرده چوخ ائشیدیریک" ایفادهسینی ایشلتدی.
ایسراییلین قوزئی جبههسینده ائتدیگی حربی چالیشمالارا توخونان نتانیاهو، دونن دۆزنلنن سالدیرینی آچیق شکیلده اۆستلنمکدن چکیندی.
سوریهنین رسمی خبر آژانسی سانا، دونن ایسراییل طرفیندن اؤلکهنین گونئییندهکی قنیطره ائلینه سالدیری اولدوغو و مادی زیانا یول آچدیغی بیلدیریلمیشدی.
ایسراییل، ایچ ساواشین باشلادیغی ۲۰۱۱دن بو یانا زامان زامان سوریه و جولان تپهلریندن تورپاقلارینا موشک آتیلدیغینی ایرلی سورهرک، ایران دستکلی حزبالله گوجلرینه و سوریه اوردوسونا عاید حربی نقطهلره سالدیریلار تشکیل ائدیر.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.