قوزئی کوره یئنی موشک آتما سیستمی سینادیغینی بیلدیریب
قوزئی کوره دونن آتدیغی موشکلرین، یئنی چوخلو موشک آتما سیستمینین ایلک سیناغی اولدوغونو آچیقلاییب
قوزئی کوره دونن آتدیغی موشکلرین، یئنی چوخلو موشک آتما سیستمینین ایلک سیناغی اولدوغونو آچیقلاییب.
قوزئی کورهنین رسمی آژانسی KCNAیا گؤره، یئنی چوخلو موشک آتما سیستمینین ایلک سیناغی قوزئی کوره لیدری کیم جونگ حمایهسی آلتیندا کئچیریلیب.
کیم، باخما تجروبهسینه دایر ممنونیتینی ایفاده ائدهرک، یئنی تکمیللشدیریلمیش موشک سیستمینین اوردونون قورو ساواش عملیاتلاریندا اؤنملی رول اوینایاجاغینی و دوشمنه هدف اولماق قورخوسو سالاجاغینی بیلدیریب.
گونئی کوره قوزئیین دونن اؤلکهنین شرق ساحیلینده ایکی قیسا منزیللی موشک آتاراق بیر هفتهده ایکینجی دفعه سیلاح سیناغی کئچیردیگینی بیلدیرمیشدی.
وون سان شهریندن آتیلان موشکلرین 250 کیلومتر منزیللی اولدوغو و 30 کیلومتر یوکسکلیگه نایل اولدوغو بیلدیریلمیشدی.
عینی زاماندا گونئی کوره کشفیاتی، قوزئی کورهنین یئنی تیکیلمیش سوالتی گمیسینده یقین کی، اوچ موشک آتما حیسهسی اولدوغو معلوماتینی بؤلوشموشدو.
قوزئی کوره، 25 ژوئیهده ده شرق دنیزینه (ژاپون دنیزی) دوغرو "یئنی تاکتیک ایله باغلی سیلاح" اولدوغونو بیلدیردیگی ایکی قیسا منزیللی موشک آتمیشدی.
پیونگ یانگین سون موشک سیناقلارینین، آمریکانین پرزیدنتی دونالد ترامپ ایله کیم آراسینداکی دانیشیقلار پروسهنین یئنیدن آچیلماسی تلاشینا کؤلگه سالاجاغی یوروملاری ائدیلیر
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.