افغانیستاندا، سئچیم بوروسونا سالدیریدا 20 نفر اؤلدو

افغانیستاندا 28 سپتامبردا کئچیریله‌جک پرزیدنت سئچیمینده پرزیدنت اشرف غنی بیرینجی معاوینی اولا‌راق نامیزد گؤستردیگی امر الله صالح سئچیم کامپانیاسینی آپاردیغی اوفیسه تشکیل اولونان سیلاح‌لی و بومبا‌لی سالدیریدا 20 نفر اؤلدو.

ایچ ایشلر ناظیرلیگین‌دن ائدیلن آچیقلامادا، باشکند کابیلده صالحین سئچیم کامپانیاسینی دا آپاردیغی ایش اوفی‌سینه تشکیل اولونان سیلاح‌لی و بومبا‌لی سالدیری‌لاردا 50 نفرین ده یارالاندیغی بیلدیریلدی.

سالدیرینین سوروملولوغونوهنوز گؤتورن اولمادی.

بینا‌دان چیخاریلا‌راق امن بؤلگه‌یه آپاریلان صالح قولون‌دان یارالانمیشدی.

سالدیرینین آردین‌دان چیخان چاتیشمادا امنیت گوج‌لری 3 سالدیرقانی اؤلدورموشدو.

پرزیدنت اشرف غنی، توئیتر حسابین‌دان آپاردیغی پایلاشیمدا، صالحین وضعیتی‌نین یاخشی اولدوغونو بیلدیرمیشدی.

اؤلکه‌ده 28 سپتامبردا کئچیریله‌جک پرزیدنت سئچیم‌سینده کامپانیا پروسه‌سی دونن رسمن باشلامیشدی.