اردوغان، اس 400لرین بیرگه اورهتیمی مسئلهسینده هئچ بیر پروبلمین اولمادیغینی دئییب
جمهورباشقانی اردوغان، بوسنی و هرزگووئیندن تورکیهیه قاییدارکن ژورنالیستلرین گوندمه دایر سواللارینی جوابلاندیریب
تورکیه باشقانی رجب طیب اردوغان، هاوا ساوونما سیستمی س 400لرین بیرگه اورهتیمی مسئلهسینده تورکیه ایله روسیا آراسیندا هئچ بیر پروبلمین اولمادیغینی دئییب.
جمهورباشقانی اردوغان، بوسنی و هرزگووئیندن تورکیهیه قاییدارکن ژورنالیستلرین گوندمه دایر سواللارینی جوابلاندیریب.
اردوغان، اس 400 هاواساوونما سیستمینده تکنولوژی ترانسفرینه دایر روسیا ایله موناقیشه یاشاندیغی ادعالارینا،
اورتاق حاصلات مسئلهسینده (روسیا پرزیدنتی ولادیمیر) پوتین ایله ان باشیندان بری راضیییق" سؤزلری ایله جواب وئریب.
اردوغان، تورکیهنین اس-400دن ایمتیناع ائتمهسینی ایستهینلرین اسپکولاتیو ادعالار اورتایا آتدیقلارینی بیلدیریب.
سیستمه نییه احتیاج دویولدوغونو بیر داها ایضاح ائدن پرزیدنت،
بو بیر هاوا ساوونما سیستمی. اگر بیریلری بیزه سالدیری ائتسه بو سالدیری قارشیسیندا بیز ده بو ساوونما سیستمینی ایشه سالاجاغیق. بئله بیر سرمایهیه بونون اوچون گئدیریک" دئیه دانیشدی.
شرق آغدنیزدکی پروسهلر و تورک گمیلری طرفیندن آپاریلان قازما ایشلری ایله باغلی دانیشان پرزیدنت اردوغان، قوزئی کیپر تورک جمهوریتینین بؤلگهدکی حاقلاریندان ال چکیلمیهجگی مساژینی وئردی.
اردوغان،
"بیز اورالاردا بیرلرینین ساحهسی اوزرینده ایش تشببوسونده دئییلیک. اورادا خصوصیله ده قوزئی قیبریسدکی تورک قارداشلاریمیزین حاقلاری نه ایسه بو حاقلاری ساوونماق اوچون آددیمیمیزی آتیریق. اوراداکی بوتون ساحهلرین هامیسیندا قیبریسده یاشایان اینسانلارین برابر نیسبتده حاقی وار. و بیز اونلارین بو (قیبریس تورکلر) حاقینی قوروماق اوچون چالیشیریق" دئدی.
پرزیدنتینه، قاچقینلار مسئلهسینده آوروپا بیرلیگی ایله یئنی موذاکرهلر ائدیب ائدیلمهیهجگی ده سوروشولوب.
اردوغان، بو بارهده آوروپا بیرلیگین-ده یئنی حکومتلرین موناسیبتینین نئجه اولاجاغینی گؤرمک لازیم اولدوغونو ایفاده ائتدی.