میصر "ایرانا جاسوسلوق"دا اتهام اولونان 5 متهمه حبس جزاسی وئردی
میصر محکمهسی "ایرانا جاسوسلوق"دا اتهام اولونان 5 متهم بارهسینده حؤکم چیخاردی
میصرین "منا" رسمی اینفورماسیون آژانسینین یایدیغی خبره گؤره، دؤولت فوق العاده تهلوکهسیزلیک محکمهسی "ایرانا جاسوسلوق"دا اتهام اولونان 5 متهم بارهسینده عمورلوک، بیر نفر بارهسینده ده 15 ایل آغیرلاشدیریلمیش حبس جزاسی وئردی.
عمورلوک حبس جزاسی آلانلارین هامیسینین غیابی اولاراق موحاکیمه اولوندوغونو و ایچلریندن بیرینین قادین اولدوغونو قئید ائدن یئرلی مطبوعات متهم لرین هانسی اؤلکهنین وطنداشی اولدوقلاری بارهده معلوماتین وئریلمه دیگینی بیلدیریرلر.
باریسینده 15 ایل آغیرلاشدیریلمیش حبس جزاسی و 500 مین جونیه (168 مین لیره) پول جزاسی وئریلن متهمین ایسه شیعه مذهبینی قبول ائدن بیر میصرلی اولدوغو قئید ائدیلیر.
قئید ائدک کی، میصرده دؤولت تهلوکهسیزلیک محکمهلرینین قرارلاری تمییز ائدیلمیر. قرارلار دوغرودان پرزیدنتین تصدیقینه تقدیم اولونور.
بو اؤلکهده عمورلوک حبس جزاسی 25 ایل اولاراق تطبیق اولونور .
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.