"چیخارلارینی و متفیقلرینی اودا آتار"

ایران باش قرارگاه باشقانلیغی سؤزچوسو ژنرال ابوالفضل شکارچی، اؤلکه‌سینه قارشی مومکون محتمل سالدیرینین آمریکا بیرلشمیش دؤولتلرینین بؤلگه‌ده‌کی چیخارلارینی و متفیقلرینی "اودا آتاجاغینی" دئدی.

ایرانین یاری رسمی آژانسی تسنیمه دانیشان شکارچی، ایرانا قارشی حربی سالدیرینین نتیجه‌لری قونوسون‌دا اویاردی.

هئچ بیر اؤلکه‌یه قارشی ساواش باشلادمایاجاقلارین دیله گتیره‌ن شکارچی، بونا قارشی‌لیق سالدیریلارا سرت جاواب وئره‌جکلرینی ایفاده ائتدی.

آمریکاین سالدیریسینین یانلیش اولاجاغینی بیلدیره‌ن شکارچی،

"دوشمن، ان کیچیک بیر یانلیش بئله ائتسه اورتا و باتی آسیادا ایرانین ان بؤیوک اینقیلاب‌چی تپکیسی ایله قارشیلاشاجاق و کسینلیکیه آیاقدا قالاممایاجاق. ایران تورپاقلارینا بیر مرمی آتیلماسی، آمریکانین بؤلگه‌ده‌کی چیخارلاری و متفیقلرینی اودا آتاجاق‌دیر" دئدی.

آمریکانین می ۲۰۱۸ده نوکلئر آنلاشمادان تک طرف‌لی چکیله‌رک تجریملری یئنی‌دن حیاتا گئچیرمه‌یه باشلاماسین‌دان سونرا تهران-واشینگتن خطین‌ده یاشانان گرگین‌لیک جمعه گونو اینقیلاب محافظلری اوردوسونون آمریکایا عاید اینسان‌سیز هاوا آراجینی (ایها) هرمز بوغازی اوزرین‌ده ووراراق دۆشورمه‌سیندن سونرا آرتمیشدی.

ایران، ایهانین هاوا مکانی پوزولماسی سببی ایله وورولدوغونو ادعا ائدرکن آمریکا، آراجین اولوسلارآراسی هاوا ساحه‌سینده وورولدوغونو اؤنه سورور.