ایران: آچیق مئساژدیر
"سرحدلریمیزی پوزاراق میلی گوونلییمیزه قصد ائدن دوشمنه عاید جاسوس اوچاغی وورولدو"
ایران انقیلاب محافظهلری باشچیسی ژنرال حسین سلامی، آمریکا بیرلشمیش ایالتلرینه عاید اینسانسیز هاوا آراجینین (ایها) دوشورولمهسینین اؤلکه دوشمنلرینه قارشی آچیق بیر مئساژ اولدوغونو بیلدیردی.
ایرانین رسمی آژانسی ایرنایا گؤره، سلامی،
"دئوریم محافظهلری هاوا-اوزای گوجلری، بو گون سحر، سرحدلریمیزی پوزاراق میلی گوونلییمیزه قصد ائدن دوشمنه عاید جاسوس اوچاغی ووردو" دئدی.
آمریکا بیرلشمیش ایالتلرینه عاید ایهانین دۆشورولمهسی حاولایینین ایران تورپاقلارینا سالدیراجاق هر جور سالدیرقانا وئریلمیش دقیق بیر مئساژ اولدوغونو دیله گتیرهن سلامی،
"سینیرلار بیزیم قیرمیزی چیزگیمیزدیر. اونو گئچن گئری قاییتمایاجاق و یوخ اولاجاقدیر" ایفادهلرینی ایشلتدی.
سلامی، هئچ بیر اؤلکه ایله ساواش نیتلرینین اولمادیغینی اما ساواش اوچون حاضر اولدوقلارینی سؤزلرینه علاوه ائتدی.
ایران اینقیلاب محافظلری عاید اینترنت سایتیندا وئریلهن آچیقلامادا، ایران اینقیلاب محافظلری اوردوسو هاوا-اوزای گوجلری طرفیندن عمان کؤرفزینه ساحلی اولان هرمزگان ایالتینه باغلی کوه مبارک شهری ساحلینده سحر ساعاتلاریندا آمریکا بیرلشمیش ایالتلرینه حربی هاوا گوجلرینه عاید آرکیو-۴ گلوبال هاوک تیپی ایهانین وورولاراق گتیریلدیگی بیلدیریلمیشدی.
آمریکا بیرلشمیش ایالتلرینین حربی هاوا گوجلرینین ان ائتکیلی ایها سیستملریندن یوکسک ارتفاع کشف اوچاغی آرکیو-۴ گلوبال هاوک، آمریکا بیرلشمیش ایالتلری مرکزلی ساوونما شیرکتی نورتروپ گرومن طرفیندن گلیشدیریلدی. ۲۴ ساعات هاوادا قالما اؤزللیگینه صاحب ایها، ۱۶ کیلومتر یوکسکلیکدن اوچاراق گؤزلم ائدهبیلبر.