روسیا اورتا دوغو ایله باغلی خبردارلیق ائتدی
روسیا خاریجی ایشلر ناظیرینین معاوینی سرگئی ریابکوو روسیانین سوچی شهرینده مطبوعات نمایندهلری ایله گؤروشهرک امریکانین اورتا دوغو-دا آرتان حربی فعالیتلری بارهده فیکیر بیلدیردی.
روسیا خاریجی ایشلر ناظیرینین معاوینی سرگئی ریابکوو روسیانین سوچی شهرینده مطبوعات نمایندهلری ایله گؤروشهرک امریکانین اورتا دوغو-دا آرتان حربی فعالیتلری بارهده فیکیر بیلدیردی.
امریکانین ایرانا تضییق ائتمهیه داوام ائتدیگینه دقت چکن ریابکوو: "امریکا ایران ایله باغلی وضعیتی شعورلو اولاراق آغیرلاشدیریر" دئدی.
ریابکوو امریکا ایله ایران آراسینداکی گرگینلیگین آزالدیلماسی و ثابیتلشدیریلمهسی اوچون سیاسی و دیپلوماتیک واسطهلره ال آتیلماسینین واجیبلیگینی وورغولایاراق: "عکس حالدا، بولگه ده یئنی قارشیدورما اولا بیلر. بو قطعی شکیلده قبول ائدیله بیلمز" دئیه بیلدیردی.
روسیا تهلوکهسیزلیک شوراسینین کاتیبی نیکولای پاتروشئو ده روسیانین اوفا شهرینده اولوسلار آراسی سیبر تهلوکهسیزلیک کنفرانسیندان سونرا ژورنالیستلره وئردیگی آچیقلامادا ایرانین کنفرانسدا تحریم لره قارشی موباریزه ایله باغلی اوزون مودتلی اولوسلار آراسی مئخانیزمین یارادیلماسی تکلیفینی وئردیگینی و روسیانین بو تکلیفی دستکلهدیگینی قئید ائتدی.
امریکا سلاحلی قوهلرینین باش قرارگاه رئیسی مایکل گیلدی داها اول ایرانا قارشی بؤلگهیه گؤندریلهجک علاوه حربی قوهنین کشفیات مقصدلی پیلوتلو و پیلوتسوز اوچان آپاراتلاردان، 4 "پاتریوت" باتاریاسی اولان بیر "پاتریوت" گردانی، محافظهسی تدبیرلرینی تکمیللشدیرمک اوچون بیر موهندیس بیرلیگیندن و بیر دؤیوش طیارهسی دونانماسیندان عبارت اولدوغونو آچیقلامیشدی.