آوروپا بیرلیگیندن ایران آچیقلاماسی

آوروپا بیرلیگی خاریجی ایشلر و گوونلیک سیاستی یوکسک نماینده‌سی فدریکا موگرینی، "آماجیمیز ایران نوکلئر آنلاشماسینین تام اولاراق تطبیق اولونماغا داوام ائدیلمه‌سینی تامین ائتمک" دئدی.

لوکزامبورگداکی آوروپا بیرلیگی خاریجی ایشلر شوراسی توپلانتی‌سینین آردین‌دان مطبوعات کنفرانسی تشکیل ائدن موگرینی، ایرانین زنگینلشدیریلمیش اورانیم ذخیره‌سینین نوکلئر آنلاشماداکی حدی آشاجاغینا باغلی آچیقلاماسینین سوروشولماسی اوزرینه،

"بیز نوکلئر آنلاشمایا باغلی دگرلندیرمه‌لریمیزی آچیقلامالارا گؤره دئییل، اولوسلارآراسی اتم انرژی‌سی قورومونون راپورلارینا گؤره ائدیریک" ایفاده‌سینی ایشلتدی.

موگرینی، ایرانین نوکلئر آنلاشمانین تعهدلارینی یئرینه یئتیرمه‌یه داوام ائتدیگینی ایفاده ائد‌رک، بو چرچیوه‌ده آوروپا بیرلیگینین ده ایران ایله قانونی اقتصادی فعالیتلری داوام ائتدیرمک اوچون بعضی مکانیزملر اینشا ائتدیگینی خاطیرلاتدی.

اولوسلارآراسی اتم انرژی‌سی قورومو راپورلارینین ایرانین نوکلئر تعهدلارینی یئرینه یئتیردیگینی گؤستردیگی مدتجه آوروپا بیرلیگینین دستگینین داوام ائدجگینی ایفاده ائد‌ن موگرینی، آماجیمیز ایران نوکلئر آنلاشماسینین تام اولاراق تطبیق اولونماغا داوام ائدیلمه‌سینی تامین ائتمک" دئیه دانیشدی.