خامنه‌ای: چونکو ساواش اولمایاجاق

ایرانین دینی لیدئری علی خامنه‌ای، بوگونکو توتوموندان وازگئچمه‌دیکجه آمریکا بیرلشمیش دؤولتلری ایله موذاکیره ائدیله‌ممه‌یه‌جگیینی و قطعی سئچه‌نکلرینین دیرنیش اولدوغونو سؤیله‌دی.

دفتریندن وئریله‌ن آچیقلامایا گؤره خامنه‌ای، پرزیدنت حسن روحانی، مجلیس باشقانی علی لاریجانی، یارغی ارکی باشقانی ابراهیم رئیسی، نظامین مصلحتینی تشخیص شوراسینین باشقانی صادق لاریجانی باشدا اولماق اوزره، اؤنده گلن سیاست‌چی و نظامی صلاحیت‌لیلرله افطاردا بیر آرایا گلدی.

خامنه‌ای، بورادا ائتدیگی دانیشمادا، ایرانین دا آمریکا بیرلشمیش دؤولتلرینین ده ساواش نیتین‌ده اولمادیغینی و بو مباریزه‌نین "ایراده‌لرین چاتیشماسی" اولدوغونو ایفاده ائد‌رک،

"بیزیم ایراده‌میز داها گوج‌لودور. ایرانین کسین سئچه‌نگی آمریکا بیرلشمیش دؤولتلرینه قارشی مقاومت‌دیر و بو مباریزه‌ده آمریکا بیرلشمیش دؤولتلری گئری آددیم آتماق مجبوریتینده قالاجاق. بو حربی بیر مباریزه دئییلدیر، چونکو ساواش اولمایاجاق" دئدی.

ایران ایچینده بعضی شخصلرین مذاکیره ائتمه‌نین تهلوکه‌لی اولمادیغی باره‌ده فیکیر بیلدیردیگینه دقت چکه‌ن خامنه‌ای، "آمریکا بیرلشمیش دؤولتلری بوگونکو رفتارینی داوام ائتدیردیکجه موذاکیره زهردیر. بوگونکو آمریکا بیرلشمیش دؤولتلری حکومتی ایله ائدیله‌جک مذاکیره، ایکی دفعه زهردیر. مذاکیره یعنی معامله و آلیش وئریش آنجاق آمریکا بیرلشمیش دؤولتلرینین هدف آلدیغی بیزیم گوجلو یؤنوموزدور" دئیه دانیشدی.

ایران‌دا شعورلو و آیدین هئچ کیمین مذاکیره نیتینده اولمادیغینی بیلدیرن خامنه‌ای، بئله داوام ائتدی:

"ساوونما سلاحلارینیزلا ایلگیلی مذاکیره ائدک و ندنن بو قدر اوزون منزیللی موشک اۆرتیرسینیز، منزیلینی دۆشورون دئییرلر. اگر بیز سیزی وورساق مرکزلریمیزی ووراجاق گوجه صاحب اولمایین و جاواب وئره‌بیله‌جک سویه‌یه گلمیین دئییرلر. آیریجا بؤلگه‌ده‌کی ایستراتژیک درینلیگینیز ایله ایلگیلی دانیشاق و بوندان واز گئچین دئییرلر. حسابچی آداملارلا ائدیله‌جک مذاکیره تمل‌دن یانلیشدیر، قالدی کی بونلار حسابچی آداملار دا دئییل و هئچ بیر شئیه باغلی قالمیرلار".

آمریکا بیرلشمیش دؤولتلرینین اؤلکه‌ده‌کی بیر چوخ سوسیال و اقتصادی بحرانلا اوزلشدیگینی سؤیله‌یه‌ن ایران‌لی لیدئر، "دوشمنی بئله چوخ بؤیوتمه‌یین، او قدر ده گوجلو دئییللر" دئدی.

خامنه‌ای، هم آمریکا بیرلشمیش دؤولتلری هم ده آوروپا بیرلیگی اؤلکه‌لرینین آسیا اؤلکه‌لرینه قارشی تطبیق ائتدیگی سیاستلرین اؤز ضررلرینه سبب اولدوغونو ایفاده ائد‌رک، "آمریکا بیرلشمیش دؤولتلرینده اوزمانلار بو باسقیلارین ایرانین اقتصادی سیچراییشینا سبب اولاجاغینی سؤیله‌ییر" ایفاده‌لرینی ایشلتدی.