پاکیستاندا بومبا‌لی سالدیری: 5 اؤلو
پاکیستانین پنجاب ایالتی‌نین باشکندی لاهوردا صوفی توربه‌سینه ائدیلن بومبا‌لی سالدیریدا 5 نفر اؤلدو، 23 نفر یارالاندی
پاکیستاندا بومبا‌لی سالدیری: 5 اؤلو
پاکیستانین پنجاب ایالتی‌نین باشکندی لاهوردا صوفی توربه‌سینه ائدیلن بومبا‌لی سالدیریدا 5 نفر اؤلدو، 23 نفر یارالاندی.
لاهور پولیس رئیسی غضنفر علی، داتا داربار مقبره‌سی اؤنون‌دکی پولیس ماشینیندا باش وئرن پارتلاییش نتیجه‌سینده ماشیندا اولان 4 پولیس مامورو و بیر سیویل وطنداشین اؤلدوغونو، اطراف‌داکی چوخ سایدا اینسان یارالاندیغینی بیلدیریب.
علی، سالدیرینین بیر اینتیحار بومباجیسی طرفیندن، یوخسا اوّلجه‌دن یئرلشدیریلمیش بومبا واسطه‌سیله می کئچیریلدیگی‌نین هله معلوم اولمادیغینی بیلدیریب.
پارتلاییش زامانی توربه ایچینده و اطرافیندا یوزلرله اینسان اولدوغونو ایفاده ائدن علی، بعضی یارا‌لی‌لارین وضعیتی‌نین آغیر اولدوغونو، جان ایتکی‌سی ساییسی‌نین آرتاجاغینی ایفاده ائتدی.
11-جی عصرده بؤلگه‌ده یاشایان صوفی علی حاجوئری‌نین مزاری‌نین اولدوغونا اینانیلان توربه، جنوبی آسیانین ان بؤیوک صوفی معبدی کیمی تانینیر.
توربه 2010دا قان‌لی اینتیحار سالدیری‌لاری‌نین هدفی اولموشدو.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
