حکومت قورماق وظیفه‌سی نتانیاهویا وئریلیب

ایسرائیل پرزیدنتی روون ریولین، پارلامنت سئچیم‌لرینده پارتیسی بیرینجی اولان باش ناظیر بنیامین نتانیاهویا کوالیسیون حکومتینی قورما وظیفه‌سینی وئردی.

ریولین، قربی قودس‌دکی پرزیدنت اوفیسینده نتانیاهو قبول ائدیب.

پرزیدنت ریولین، مجلیسه گیرن بوتون ساغ پارتی‌لرین دستگینی آلان نتانیاهو یئنی کوالیسیون حکومتینی قورماقلا وظیفه‌لندیردی.

اؤلکه‌ده 9 آوریلده کئچیریلن پارلامنت سئچیم‌لرینده هئچ بیر پارتی 120 یئرلیک پارلامنتده تکباشینا حاکمیته گلمک اوچون لازیمی 61 میللت وکیلی سایینا چاتماماسی سببین‌دن ریولین، مجلیسه گیرن پارتیلرین نماینده‌لری آیری-آیری گؤروشمه‌لر کئچیرمیشدی.

پرزیدنت ریولین، بو پارتی‌لره کیم رهبرلیگین‌دکی کوالیسیون حکومتینده یئر آلماق ایستدیک‌لرینی سوروشدو.

یئنی پارلامنتده جمعی 30 میللت وکیلی ایله تمثیل ائدیله‌جک اولان 5 آیری ساغ پارتی، نتانیاهونون رهبرلیگین‌دکی کوالیسیون حکومتینده یئر آلماق ایستدیک‌لرینی ریولین ایله پایلاشمیشدی.

سئچیم‌لرده بیرینجی اولان پارتیسی لیکودون چیخاردیغی 35 میللت وکیلی ایله بیرلیکده ساغ پارتی‌لرین دستگینی آلان نئتانیاهو، بئله‌لیکله کوالیسیون حکومتی قورماق اوچون لازیم‌لی مرز اولان 61 صندل ساییسینی آشمیشدی.

کوالیسیون حکومتی قورماق دانیشیق‌لاریندا هر هانسی بیر چاتیشمامازلیق چیخماسا نتانیاهو، 5-جی دفعه باش ناظیر مقامیندا ائیلشه‌جک.

ایلک دفعه 1996دا باش ناظیر اولان نئتانیاهو، 2009‌دان بو یانا کسینتی‌سیز اولا‌راق بو مقامی الینده ساخلاییر.

قانون‌لار لازیمی پرزیدنتینده کوالیسیون یاراتماقلا وظیفه‌لندیریلن لیدرین، 28 گون عرضینده حکومتی قورماسی لازیم‌دیر. آنجاق کوالیسیون حکومتینی قورماقلا وظیفه‌لندیریلن پارتی لیدرینه، طلب ائتمه‌سی حالیندا 2 هفته علاوه واخت وئرمک.