فیلیسطینین یئنی کابینهسینین عضولری آند ایچیب
عضوو محمد ایشتیهنین قوردوغو فیلیسطین حکومتینین یئنی کابینهسینین عضولری، فیلیسطین دولت باشقانی محمود عباسین حضوروندا دونن آند ایچیب
فیلیسطین میللی قورتولوش حرکتی الفتحین مرکزی شورا عضوو محمد ایشتیهنین قوردوغو فیلیسطین حکومتینین یئنی کابینهسینین عضولری، فیلیسطین دولت باشقانی محمود عباسین حضوروندا دونن آند ایچیب.
یئنی قورولان حکومت اوچون ایشغال آلتینداکی باتی اوردون چایینین رام الله شهرینده یئرلشن پرزیدنت ساراییندا آندیچمه مراسیمی کئچیریلیب.
قورولان یئنی حکومتده داها اوّل باش ناظیر معاوینی و اینفورماسیون ناظیرلیگی وظیفهلرینده اولان فیلیسطین پرزیدنت سؤزچوسو نبیل ابورودینه ایله زیاد ابو عمرو، باش ناظیر معاوینینه گتیریلرکن خاریجی ایشلر ناظیری ریاض المالیکی، مالی و پلانلاشدیرما ناظیری شوکری بشاره ایله توریزم و تاریخی اثرلر ناظیری رولا معایعه یئرلرینی قورودو.
فتح حرکتی اینقیلاب شوراسینین کاتیبی معاوینی می کیله ساغلیق ناظیری، غزه زولاغینداکی فتح حرکتی سؤزچوسو عاطف ابو سیف مدنیت ناظیری، فدا پارتیسی لیدرلریندن الریاض عطاری اکینجیلیک ناظیری، فیلیسطین خالق پارتیسی لیدرلریندن و فیلیسطینین آفریقا بیرلیگی ایله کئچمیش اتیوپی سفیری نصری ابو جیش ده ایش باخانی اولدو.
قادین ایشلری ناظیرلیگینه فتح حرکتینین غزه زولاغینداکی مرکزی شوراسینین کئچمیش عضوو آمال حمد، فیلیسطین قورتولوش تشکیلاتی ایجرا هئیتینین عضوو احمد مجدلانی اجتماعی قالخینما ناظیرلیگینه، قودس تیجارت مجلیسی باشقانی فادی الهدمی قودس ایشلری ناظیرلیگینه، قوروجولوق و یاشاییش ناظیرلیگینه دا محمد سفر گتیریلدی.
آکادئمی و ایش دونیاسیندان ایش آدامی خالد العسیلی ایقتیصاد ناظیری، کئچمیش موهندیسلر سندیکاسی باشقانی مجدی الصالح محلی حاکمیتلر ناظیری، آکادمیک اسحاق سدر رابطه ناظیری، مروان عورتانی تحصیل ناظیری، آکادمیک محمد الشلالده عدلیه ناظیری، عاصم سالم نقلیات ناظیری، محمود ابو مویس یوکسک تحصیل باخانی، اوسامه السعداوی ده لیدرلیک و گوجلندیرمهدن سوروملو مشاور. ناظیری کیمی آند ایچمه ائتمهلرینین آردیندان وظیفهیه باشلادی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.