ایسرایل دوغو قودس-ده 23 مین یئنی منزیل تیکهجک
ایسرایل-ین باش ناظیری بنیامین نتانیاهو گلهجک 5 ایل عرضینده ایشغال آلتینداکی دوغو قودسده 23 مین یئنی منزیل تیکیله جگینی بیلدیردی.
ایسرایل-ین باش ناظیری بنیامین نتانیاهو گلهجک 5 ایل عرضینده ایشغال آلتینداکی دوغو قودسده 23 مین یئنی منزیل تیکیله جگینی بیلدیردی.
نتانیاهو سوسیال شبکه واسطهسیله یایدیغی آچیقلاماسیندا دئییب: "قودس-ده تقریباً 276 میلیون دولار سرمایه قویولاراق 23 مین یئنی منزیل تیکیلمهسی بارهده سازیش ایمضالادیق. قودس بیر یاشاییش منطقهسی دئییل، ایسرایل-ین پایتاختی و ابدی موجودلوغوموزون 3 مین ایللیک بیر حیسهسیدیر".
ایسرایل-ین "کانال 7" تلویزیونو همین سازیشین نتانیاهونون ایشتیراکی ایله مالیه ناظیرلیگی، ایسرایل تورپاقلاری ایدارهسی و قودس بلدیهسی آراسیندا ایمضالاندیغینی بیلدیردی.
ایمضالانان سازیشه گؤره، تاریخی و یئنی قودس داخیلینده کی محلهلر اینکیشاف ائتدیریلهجک، شهرین عمومی قورولوشو و ایش یئرلری اوچون یئنی یئرلر آیریلاجاق.
قئید ائدک کی، قودسون دوغوسو 1967-جی ایلده ایسرایل طرفیندن ایشغال ائدیلمیش، 1981-جی ایلده ایسه دؤولت تورپاقلارینا ایلحاقی اعلان اولونموشدو. آنجاق ایسرایل-ین بو آددیمی اولوسلار آراسی توپلوم طرفیندن تانینمادی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.