"اوردو، بیر پاکیستان ساواش اوچاغینی ووردو"
ایکی قونشو اؤلکه قارشیلیقلی اولاراق بیر بیرینین اوچاقلارینی شوردوگونو بیلدیریر
پاکیستان اوردوسو، هاوا ساحه‌لرینه گیرن هیندیستانین ۲ ساواش اوچاغینین وورولاراق دۆشورولدوگونو و پاکیستان کنترلونداکی بؤلگه‌یه دوشن اوچاغین پیلوتون یاخالاندیغینی آچیقلادی.
پاکیستان سلاح‌لی گوجلرینین سؤزچوسو ژنرال آصف غفور، سوسیال مئدیا حسابی تویتردن وئردیگی آچیقلامادا، هاوا گوجلرینین، هاوا ساحه‌سینه گیره‌ن هیند ساواش اوچاقلارین انگلله‌دیکلرینی، ۲سینی ووردوغونو و بونلاردان بیرینین پاکیستان کنترلونوداکی بؤلگه‌یه، دیگرینین ایسه هیندیستانینکنترلوندا‌کی بؤلگه‌یه دوشدویونو بیلدیردی.
سؤزچو غفور، پاکیستان طرفینه دوشن اوچاغین بیر پیلوتونون پاکیستان اوردوسو طرفیندن یاخالاندیغینی بیلدیردی.
خاریجی ایشلر باخانلیغی سؤزچوسو محمد فیصل ده رسمی تویتر حسابین‌دان وئردیگی آچیقلامادا، پاکیستان هاوا گوجلرینین کشمیر کنترل خطینه عملیاتینین ساوونما آماجلی اولدوغونو وورغولایاراق،
"آماجیمیز اؤزوموزو ساوونما قونوسونداکی عزم و باجاریغیمیزی اورتایا قویماق‌دیر. گرگینلیگین آرتما‌سینی ایسته‌میریک، آنجاق بئله بیر وضعیته ده حاضیریق" ایفاده‌لرینی ایشلتدی.
بو آرادا، داها اؤنجه، پاکیستان حربی هاوا گوج‌لرینه عاید ۳ ساواش اوچاغینین، سحر ساعاتلارین‌دا کشمیر سرحد کنترل خطینی گئچه‌رک هیندیستانین کنترلونداکی جامو و کشمیر بؤلگه‌سینه گیردیگی و هیندیستان اوچاق‌لارینین اؤنله‌مه ائتدیگینی بیلدیریلمیشدی.
هیندیستان مئدیاسی دا اوردونون بیر پاکیستان ساواش اوچاغینی ووردوغونو بیلدیردی.
دیگر طرف‌دن، پاکیستان ایله هیندیستان قارشیلیقلی اولاراق ساواش اوچاق‌لارینین دۆشورولمه‌سینین آردین‌دان، چوخ ساییدا شهرده هاوا آلانلارینی باغلایاراق مولکی اوچوشلاری دوردوردو.
