"تک بیر خاریجی ایشلر باخانی وار"

ایران پرزیدنتی حسن روحانی، خاریجی ایشلر باخانی محمد جواد ظریفین استعفاسینی قبول ائتمه‌دی.

خاریجی ایشلر باخانلیغی سؤزچوسو بهرام قاسمی، پرزیدنت حسن روحانینین خاریجی ایشلر باخانی محمد جواد ظریفین استعفاسینی قبول ائتمه‌دیگینی آچیقلادی.

قاسمی، خاریجی ایشلر باخانلیغی رسمی سایتین‌دا یئر آلان آچیقلاماسین‌دا، ظریفین استعفاسینین قبول ائدیلمه‌دیگینی و بونون جمهورباشقانلیغی افیسی طرفین‌دن ده بیلدیریلدیگینی سؤیله‌دی.

سؤزچو قاسمی، ظریفین اؤز سوسیال مئدیا حسابین‌دان پایلاشدیغی آچیقلاما دیشیندا استعفانین سببی ایله باغلی هئچ بیر ادعانین دوغرو اولمادیغینی ایفاده ائتدی.

ایران جمهورباشقانلیغی افیسی باشقانی محمود واعظی، داها اول وئردیگی آچیقلامادا، روحانینین، استعفا قراری آلان خاریجی ایشلر باخانی محمد جواد ظریفین وظیفه‌سینه داوام ائتمه‌سینی ایستدیگینی بیلدیردی،

"دکتر روحانینین گؤزون‌ده، ایرانین یالنیز تک بیر خاریجی سیاستی و تک بیر خاریجی ایشلر باخانی وار" ایفاده‌سینی ایشلتمیشدی.