نتانیاهو: ظریف گئتدی، گئتدیگی یئره قدر

ایسراییل باشباخانی بنیامین نتانیاهو، ایران خاریجی ایشلر باخانی محمد جواد ظریفین استعفاسینی ممنونیتله قارشیلایاراق، "ظریف گئتدی. گئتدیگی یئره قدر" ایفاده‌سینی ایشلتدی.

ایسراییل باشباخانین مطبوعات افیسین‌دن وئریله‌ن یازی‌لی آچیقلامادا ایسراییل باشباخانی بنیامین نتانیاهونون ایران خاریجی ایشلر باخانی محمد جواد ظریفین استعفاسینا دایر آچیقلاما وئردی.

نتانیاهو، ظریفین استعفاسین‌دان سانکی اؤزونه بیر پای چیخاریرجاسینا،

"من بورادا اولدوغوم سۆره‌جه ده ایران نوکلئر سلاحی الده ائده‌بیلمه‌یه‌جک" ایفاده‌لرینی ایشلتدی.

ایسراییل ایللردن بری ایرانلا آپاریلان نوکلئر آنلاشمایا قارشی تبلیغات آپاریر.

ایران خاریجی ایشلر باخانی ظریف، دونن رسمی سوسیال مئدیا حسابین‌دان وئردیگی آچیقلامادا، وظیفه‌سینه داوام ائتمه‌یه‌جگینی بیلدیرمیشدی.

ایران خاریجی ایشلر باخانلیغی سؤزچو یاردیمچیسی عباس موسوی، ایران رسمی خبر آژانسی ایرنایا وئردیگی آچیقلامادا، ظریفین استعفا وئردیگینی دوغرولامیش، جمهورباشقانلیغی افیسینین باشقانی محمود واعظی ایسه سوسیال مئدیا حسابین‌دان وئردیگی آچیقلامادا، ظریفین استعفاسینین ایران پرزیدنتی حسن روحانی طرفین‌دن قبول ائدیلدیگی یولوندا‌کی ادعالارین دوغرو اولمادیغینی بیلدیرمیشدی.