جهانگیری: مؤوجود شرطلر جدی و چتین

ایران پرزیدنتی بیرینجی معاوینی اسحاق جهانگیری، اؤلکه‌سین‌ده‌کی مؤوجود شرطلرین جدی و چتین اولدوغونو ایفاده ائتدی.

ایران‌لی اؤیرنجیلر خبر آژانسی ایسنایا گؤره، جهانگیری، تهران‌دا خوارزمی اونیورسیته‌سینین ۱۰۰.ونجو قورولوش ایل دؤنومون‌ده ائتدیگی دانیشمادا، آمریکا بیرلشمیش ایالتلرینین تحریملر واسطه‌سیله ایران خالقی اوزرین‌ده باسقی قورماغا چالیشدیغینی وورغولایاراق، "اؤلکه‌ده‌کی شرطلر جدی و چتین‌دیر . طبیعی قایناقلارین ایرانین 'ان بؤیوک سرمایه‌سی' اولدوغو دوشونجه‌سی، یانلیش بیر دوشونجه‌دیر. بو اؤلکه‌نی اینکیشاف ائتدیره‌ن اصل سرمایه، اینسان سرمایه‌سی‌دیر" دئدی.

اقتصادی پروبلئملردن قورتولماق اوچون آکادمیسین و اؤیرنجیلرین کؤمیینه احتیاجلارینین اولدوغونو بیلدیرن اسحاق جهانگیری،

"اگر بو پروبلئمی حل ائده‌بیلسک، ان بؤیوک پروبلئمی اورتادان قالدیرمیش اولاجاییق. آکادمیسین و اؤیرنجیلردن حکومته یاردیم‌چی اولمالارینی ایسته‌ییرم" ایفاده‌سینی ایشلتدی.

 اینسان گوجونه دایالی سرمایه‌نی قالخینما حمله‌لرینه چئویرمک اوچون لازیم‌ اولان سیاسی ایراده‌یه صاحب اولدوقلارینی ایفاده ائد‌ن جهانگیری، اؤلکه‌سین‌ده‌کی اونیورسیته‌لرین دونانیم آنلامیندا یئترلی سوییه‌یه چاتماسی اوچون چابا گؤستردیکلرینی ده دیله گتیردی.