روحانی:"بؤلگهدکی ترورون قایناغی امریکا و ایسراییلدیر"
ایران پرزیدنتی حسن روحانی بؤلگهدکی ترورون قایناغینین امریکا و ایسراییل اولدوغونو سؤیلهدی.
ایران پرزیدنتی حسن روحانی بؤلگهدکی ترورون قایناغینین امریکا و ایسراییل اولدوغونو سؤیلهدی.
روحانی تورکیه-ایران-روسیا آراسیندا بو گون باش توتاجاق سوریه مؤضوع لو ذیروه ییغینجاغی اوچون روسیانین سوچی شهرینه حرکتیندن اول تهران مهرآباد هاوا لیمانیندا ژورنالیستلره آچیقلاما وئردی.
بؤلگهدکی ترورون قایناغینین هر کس اوچون آچیق اولدوغونو دئین روحانی بیلدیردی کی، بؤلگهمیزدکی ترورون کؤکلری امریکا و ایسراییلدیر. بو ایکی دؤولت ترورون اصیل قایناغیدیر. بؤلگهنین نفت زنگینی بعضی اؤلکهلری ده تأسف کی، تروریستلری مالیهلشدیرمک وظیفهسینی عهده سینه گؤتوروب.
اؤلکهده دونن حیاتا کئچیریلن و 27 عسگرین حیاتینی ایتیردیگی انتحار هوجومونو خاطیرلادان روحانی بئله هوجوملارین خالقا تأثیر ائتمهیهجگینی و بؤیوک قوهلره قارشی بویون ایمهیهجکلرینی سؤیلهیهرک وورغولادی: "شهیدلریمیزین آخیدیلان قانینین عوضینی بو کیرایه گؤتورولموش تشکیلاتلاردان چیخاریلاجاقدیر. قونشولاریمیزا قانونی و یاخشی علاقهلره گؤره وظیفهلرینی یئرینه یتیرمهلرینی توصیه ائدیریک. تورپاقلاریندان قونشو اؤلکهلره قارشی پیس نیتلی ایستیفاده ائدیلمهسینه ایجازه وئرممهلیدیرلر. اگر اونلار تروریستلره مانع اولا بیلمیرسه، قانونلارا و راضیلاشمالارا گؤره واجیب اولانی یئرینه یئتیرمه حاقیمیزین اولدوغو آچیقدیر و بوندان ایستیفاده ائدجییک."
سایجا دؤردونجوسو کئچیریلهجک ذیروه ییغینجاغی اوچون روسیا پرزیدنتی ولادیمیر پوتینین دعوتینه گؤره سوچی-یه گئتدیگینی بیلدیرن روحانی ییغینجاقدا آستانا پروسه سی چرچیوهسینده بولگه سل مسئلهلر و خصوصی اولاراق سوریه مسئله سی موذاکیره اولوناجاغینی بیلدیردی.
روحانی "تروریست قروپلار سوریه-ده آغیر زربهلر آلدی و بیر چوخ بؤلگهدن تمیزلندی. سوریه-نین موختلیف بؤلگهلرینده، اؤلکهنین قوزیی ینده و فراتین دوغوسوندا هله ده ترور عنصورلاری وار" دئیه قئید ائتدی.
اوچ طرفلی گؤروشلرین بوتون تررویستلر تمیزلنندک داوام ائتمهسینین واجیبلیگینی وورغولایان ایران پرزیدنتی 3 اؤلکهنین ده اصیل هدفینین ترورلا موباریزه اولدوغونو و بونو داوام ائتدیرهجکلرینی ایفاده ائتدی.
قاچقینلارین ائولرینه قاییتماسی و سوریه-نین برپا ایشلرینین ده اهمیتلی موضوع لاردان اولدوغونو و اوچ اؤلکهنین ده هدفی اولدوغونا دقت چکن روحانی آنایاسانین حاضیرلانماسی و بونون اوچون کومیته قورولماسینین دا اوچ طرفلی ذیروه ییغینجاغیندا موذاکیره اولوناجاغینی بیلدیردی.
روحانی "تورکیه، ایران و روسیانین بولگه سل مسئلهلرین حلی اوچون تقدیم ائتدیگی مدل چوخ یاخشی بیر مدلدیر" دئدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.