عرب دونیاسینین ایلک قادین ایچ ایشلری باخانی

لبناندا ایچ ایشلری باخانلیغینا آتانان ایلک قادین اولان ریا حفار الحسن، وظیفه‌یه باشلادی.

باشباخان سعد الحریری باشقانلیغی ایله گئچه‌ن هفته اولوشدورولان یئنی حکومت‌ده یئر آلان ۴ قادین باخاندان بیری ده ایچ ایشلری باخانی ریا حسن اولدو.

حریرینین پارتیسی مستقبل حرکتی عضوو حسن، عرب اؤلکه‌لرین‌ده ایچ ایشلری باخانلیغینا تعیین اولونان ایلک قادین اولاراق تاریخه گئچدی.

باخان حسن، باشکند بیروت‌داکی ایچ ایشلری باخانلیغین‌دا تشکیل اولونان مراسیمله گؤره‌وی خلفی نهاد مشنوق‌دان آلدی.

حسن بورادا وئردیگی آچیقلامادا، اؤزونو گؤزله‌یه‌ن چتین وظیفه‌یه دقت چک‌دی.

وطنداشین قایغیلارینی نظره آلاراق بیر پلان حاضیرلادیقلارینی دئیه‌ن حسن،

"چتین بیر وظیفه آلیرام. چونکو حقوقی قوه‌یه قویان ایچ ایشلر یباخانلیغینی آلیرام" دئدی.

باخان ریا حسن، حریری ۲۰۰۹.جی ایلده قوردوغو حکومت‌ده مالیه باخانی وظیفه‌سین‌ده ایشلمیشدی.

لبنانین قوزئیینده یئر آلان طرابلوس شهرین‌ده ۱۹۶۷.جی ایلده دونیایا گلن حسن، ائولی و ۳ اوشاق آناسی.

باشباخان حریری ده، سوسیال مئدیا حسابین‌دان وئردیگی آچیقلامادا،

"لبنان قادینی ایله قورور دویورام. کابینه‌ده‌کی ۴ قادین باخانلا قورور دویورام. عرب دونیاسینین ایلک قادین ایچ ایشلری باخانی ایله فخر ائدیره‌م. لبنانین گله‌جگی ایله قورور دویورام" ایفاده‌لرینی ایشلتدی.