ایسراییلین دمشقی ووردوغو ادعا ائدیلیر
ایسراییل سوریهیه ان سون سالدیریسینی گئچهن ایل ۲۶ ژانویهده دمشقین باتیسینداکی بؤلگهلره گرچکلشدیرمیشدی
ایسراییلین، سوریهنین باشکندی دمشقدهکی هاوا لیمانینا موشک سالدیریسی تشکیل ائتدیگی ادعا ائدیلدی.
اسد رژیمینین خبر آژانسی سانانین حربی قایناقلارا دایاندیردیغی خبرینده، باشکندین دوغوسونداکی دمشق هاوالیمانینین گئجه ساعاتلاریندا ایسراییل طرفیندن موشک سالدیریسی ایله هدف آلیندیغی ادعا ائدیلدی.
خبرده، "ایسراییل ساواش اوچاقلاری دمشق هاوالیمانینین اطرافینی هدف آلدی. هاوا ساوونما سیستملریمیز سالدیرییا قارشیلیق وئرهرک موشکلرین چوخونو دوشوردو.
سالدیریدا هاوالیمانینداکی آنبارلاردان بیری وورولدو" ایفادهسینه یئر وئریلدی.
ایسراییل سوریهیه ان سون سالدیریسینی گئچهن ایل ۲۶ ژانویهده دمشقین باتیسینداکی بؤلگهلره گرچکلشدیرمیشدی.
ایسراییل، سوریهدهکی ایچ ساواشین باشلادیغی ۲۰۱۱.جی ایلده بو یانا زامان زامان ایران دستکلی حزب الله قوهلرینه و رژیمه عاید حربی نقطهلره سالدیریلار حیاتا گئچیریر.