ایراندان آوروپایا ترور سوچلاماسی
"ایرانی سوچلاماق، آوروپانی تروریستلری ساخلاما مسئولیتیندن قورتارمایاجاقدیر"
![ایراندان آوروپایا ترور سوچلاماسی](http://cdn.trt.net.tr/images/xlarge/rectangle/2964/7235/94ec/5c1f7575eef62.jpg?time=1718927152)
ایران خاریجی ایشلر باخانی محمد جواد ظریف، تهران رهبرلیگی علیهینه آچیقلامالار وئرهن هلند و دانمارکی تروریستلره دستک وئرمکله سوچلادی.
ظریف، سوسیال مئدیا حسابیندان پایلاشیمیندا، آرالاریندا دانمارک، هلند و فرانسانین دا اولدوغو آوروپا اؤلکهلرینین "۱۲ مین ایرانلینی اؤلدورهن و صدامین عراق کوردلرینه قارشی تؤرتدیگی سوچلارا اورتاق اولان" خالقین مجاهیدلری هؤرگوتو ایله "گناهسیز ایرانلیلاری اؤلدورهن آوروپاداکی دیگر تروریستلره ائو صاحبلیگی ائتدیگینی" ایرلی سورهرک،
"ایرانی سوچلاماق، آوروپانی تروریستلری ساخلاما مسئولیتیندن قورتارمایاجاقدیر" ایفادهلرینی ایشلتدی.
هلند گوونلیک و استخبارات ایدارهسی طرفیندن وئریلهن یازیلی آچیقلامادا، اولکهده ۲۰۱۵ و ۲۰۱۷ده ایران اصیللی شخصلرین سوءقصدلرینده ایران باغلانتیسی اولدوغونا دایر گوجلو ایپ اوجو اولدوغو آچیقلانمیشدی.
خاریجی ایشلر باخانی استف بلاک ایسه مسئله ایله باغلی وئردیگی یازیلی آچیقلامادا، هلندین توصیهسی ایله آوروپا بیرلیینین دونن ایران استخبارات سرویسینه و بعضی یؤنتیجیلرینه تحریم تطبیق ائتدیگینی بیلدیرهرک، بو شخصلرین آوروپاداکی مالی وارلیقلارینین دوندورولدوغونو و آوروپایا سیاحتلرینین قاداغان اولوندوغونو بیلدیرمیشدی.
دانمارک خاریجی ایشلر باخانی آندرس ساموئلسن ایسه آوروپابیرلیگینین، ایران استخبارات سرویسینه تحریم تطبیق ائدجگینی بیلدیرهرک بو ایفادهلری ایشلتمیشدی:
"آوروپا خاریجی سیاستی اوچون اؤنملی بیر غلبه. آوروپابیرلیگی، ایران استخبارات سرویسینه، آوروپا تورپاقلاریندا سوءقصد پلانلاشدیردیغی اوچون تحریم تطبیق ائتمهیه قرار وئردی. بو جور داورانیشلارین آوروپابیرلیگینده قبول ائدیلمهیهجگینی گؤسترمک اوچون چوخ گوجلو بیر قرار".
ایران؛ اینگیلتره، هلند، دانمارک و فرانسا کیمی اؤلکهلری خالقین مجاهیدلری هؤؤگوتو، الاهوازیه هؤرگوتو و دیگر سلاحلی مخالیفت اولوشوملارا دستک وئرمکله سوچلاییر.
ایرانین ترور هؤرگوتو اولاراق گؤردویو اهوازین قورتولوشو اوچون عرب مباریزهسی حرکتینین قوروجوسو احمد مولا نیسی، ۸ نوامبر ۲۰۱۷ده هلندین لاهه شهرینده ائوینین قارشیسیندا، خالقین مجاهیدلری هؤؤگوتونون عضوو محمد صمدی ایسه ۱۵ دسامبر ده آلمیره شهرینده سوءقصده اوغرامیشدی.