ایران - اینگیلتره آراسیندا جاسوسلوق دارتیشماسی
حسینی، اینگیلیسلری ایران‌دا جاسوسلوق فعالیتلری یئریتمکله سوچلادی
ایران مجلسینده‌کی آشیری محافظه‌کار گروپون سؤزجوسو حسین نقوی حسینی، اینگیلتره‌نین، اولکه‌سینده‌کی جاسوسلوق فعالیتلری ایله باغلانتی‌لی اولدوغونو اؤنه سوردو.
حسینی، ایران مجلیسی خبر آژانسیندا یئر آلان آچیقلاماسین‌دا اینگیلتره خاریجی ایشلر باخانی جر‌می هانتین ایران‌دا جاسوسلوق اتهامی ایله ۵ ایل حبس جزاسینا محکوم ائدیله‌ن اینگیلتره-ایران ایکی‌لی وطنداشی نازنین زاغری رتکلیف اوچون ایشلتدیگی "گناه‌سیز آنا" ایفاده‌سینه سرت تپکی گؤستره‌رک، اینگیلیسلری ایران‌دا جاسوسلوق فعالیتلری یئریتمکله سوچلادی.
زاغری ایله باغلی قورولان محکمه‌ده متهم و وکیلی طرفین‌دن ساوونمالارین ائدیلدیگینی و محکمه‌نین ده جاسوسلوق حؤکمو وئردیگینی ایفاده ائد‌ن حسینی، ایران‌دا نه زامان جاسوسلوقلا باغلی بیر یارغیلاما اولسا، اینگیلیسلرین "درحال فریاد ائتمه‌یه باشلادیقلارینی" ایر‌لی سوردو.
اینگیلیسلرین جاسوسلوقلا باغلی قونولاردا سسلرینی بو قدر قالدیرماسینین ایران‌لیلار اوچون سوال ایشاره‌سی اولدوغونو ادعا ائد‌ن حسینی، بونون عینی زامان‌دا "اینگیلتره ایله ایران‌دا جاسوسلوق فعالیتلری آراسیندا نئجه بیر باغ اولدوغونو دا اورتایا قویدوغونو و جاسوسلوق اتهاملارینا داوام‌لی اعتراض ائتمه‌لرینین سببی ده بو اولدوغونو" ادعا ائتدی.
هانتین "گناه‌سیز آنا" دگرله‌ندیرمه‌سینی ده تنقید ائد‌ن حسینی،
"محکمه‌ده اویون اوینانمیر، قانونلار وار و اینسانلار قانونلارا گؤره حرکت ائتمه‌لی‌دیر. اگر قانونلار چرچیوه‌سین‌ده حرکت ائتمه‌سه‌لر جزالاندیریلاجاقلار. اونون گناه‌سیز گؤرمه‌سی محکمه قرارینی عدالت‌سیز چیخارماز" دگرله‌ندیرمه‌سینی دیله گتیردی.
اینگیلتره-ایران ایکی‌لی وطنداشی نازنین زاغری رتکلیف، ۲۰۱۶دا ایران‌دا جاسوسلوق سوچلاماسی ایله گؤزآلتینا آلینمیش و ۵ ایل حبس جزاسینا محکوم ائدیلمیشدی.
اینگیلتره خاریجی ایشلر نباخانی هانت، ۱۹ نوامبردا تهرانا ائتدیگی سفردن اؤنجه وئردیگی آچیقلامادا زاغرینین "گواه‌سیز آنا" اولدوغونو سؤیله‌یه‌رک، "ایران‌لی یؤنتیجیلره اؤنملی بیر مئساژی چاتدیرماق اوچون گئدیرم: گناه‌سیز اینسانلارین حبس ائدیلمه‌سی قبول ائدیلمزدیر و دیپلوماتیک باسقی عنصورو اولاراق ایستیفاده ائدیلمزلر" ایفاده‌لرینی ایشلتمیشدی.
هانت، اؤنجه‌کی هفته وئردیگی آچیقلامادا دا زاغرینین، تهران یؤنتیمی طرفین‌دن دیپلوماتیک هدفلر اوچون گیروو اولاراق توتولدوغونو ادعا ائتمیشدی.
ایلگیلی‌لی خبرلر
یونانیستان‌دا مهاجیرلری داشییان قاییغین باتماسی نتیجه‌سینده 3 نفر اؤلوب
یونانیستان‌دا غیری-قانونی مهاجیرلری داشییان قاییغین باتماسی نتیجه‌سینده 3 نفر اؤلوب.
