چابهار لیمیانینین بیر قیسمی هندیستانا وئریلدی
"هیندیستان حکومتی، چابهار شهید بهشتی لیمانینین بیر قیسمینین ادارهسینی آلدی"
![چابهار لیمیانینین بیر قیسمی هندیستانا وئریلدی](http://cdn.trt.net.tr/images/xlarge/rectangle/d6fe/2183/f50a/5c34574ddca64.jpg?time=1719227406)
هیندیستان، ایرانین گونئی دوغوسوندا عمان دنیزی ساحلینده یئر آلان استراتژیک چابهار لیمانینین بیر قیسمینین ادارهسینی آلدیغینی بیلدیردی.
هیندیستان حکومتیندن وئریلهن یازیلی آچیقلامادا، "هیندیستان حکومتی، چابهار شهید بهشتی لیمانینین بیر قیسمینین ادارهسینی آلدی" دئییلدی.
چابهار لیمانینداکی ترمینال ساحهسی، یوک داشیما تجهیزاتی و افیس بیناسینین تحویل آلینما ایشلملرینین ۲۹ دسامبردا تاماملاندیغی ایفاده ائدیلهن آچیقلامادا، هیندیستانین تاریخینده ایلک دفعه تورپاقلارینین دیشینداکی بیر لیمانین ایشلتمهسینی اوستلندیگی وورغولاندی.
چابهار لیمانی پروژهسی، ایرانین گونئی دوغوسوندا باشلایان افغانیستان و اورتا آسیایا اوزانان، ترانزیت نقلیاتدان ایستیفاده ائدیلهجک قورو و دمیر یولو باغلانتیسینی احتیوا ائدیر.
آنلاشمانین، ۲۳ می ۲۰۱۶دا ایران پرزیدنتی حسن روحانی، افغانیستان پرزیدنتی اشرف غنی و هیندیستانین باشباخانی نارندرا مودینین قاتیلدیغی مراسیمله ایرانین باشکندی تهراندا ایمضالانمیشدی. دونیانین ان اؤنملی انرژی گئچیش خطلریندن بیری اولان لیمان، ایرانین یانیندا هیندیستان آچیسیندان دا استراتژیک اهمیته صاحب.
چابهار لیمانینا ائدیلهن تخمیناً ۱ میلیارد دلارلیقیاتیریمین ۲۳۵ میلیون دلارلیق بؤلومونو هیندیستان اوستلنمیشدی. هیندیستان، چابهار لیمانیندا تیجارتین آرتماسییلا، رقیبی پاکیستان و انرژی خطینی امنیته آلماق اوچون پاکیستانین گوادر لیمانینی کیرایهیه آلان چین اوزرینده اوستونلوک تامین ائتمهیی پلانلاشدیریر. آمریکا بیرلشمیش دؤولتلری، چابهار لیمانینی ایرانا قارشی تحریملردن معاف توتموشدو.