ظریف: تهدید، تهدیدی گتیریر
"رژیمین اولوسلارآراسی گوونلیگی تهدید ائتمهسینه سسسیز قالا بیلمریک"
ایران خاریجی ایشلر باخانی محمد جواد ظریف، آمریکا بیرلشمیش دؤولتلرینه قارشی،
"تهدید، تهدیدی گتیریر" دئدی.
ظریف، سوسیال مئدیا حسابیندان وئردیگی آچیقلامادا، آمریکا خاریجی ایشلر باخانی مایک پومپئونون ایرانین گلهجک آیلاردا آتماغی پلانلادیغی ۳ اوزای آراجی ایله باغلی ادعالارینا جاواب وئردی.
ظریف آچیقلاماسیندا آمریکانی تنقید ائدرک، ایرانین اوزای آراجلاری آتماسی و موشک سیناقلارینین بیرلشمیش میللتلر امنیت شوراسینین ۲۲۳۱ ساییلی قرارینی پوزمادیغینی بیلدیردی.
ظریف، آچیقلاماسیندا بو ایفادهلری ایشلتدی:
آمریکانین اؤزو بیرلشمیش میللتلر امنیت شوراسینین ۲۲۳۱ ساییلی قرارینی اساسدان پوزور و بونا گؤره کیمسهیه درس وئره بیلهجک مؤقعیتده دئییل. آمریکایا خاطیرلاتماق ایستییرم: بیرینجیسی، بیرلشمیش میللتلر امنیت شوراسینین ۱۹۲۹ ساییلی قراری اؤلودور. ایکینجیسی ده تهدید تهدیدی دوغورور، مدنی اولماق ایسه مدنی اولماغی".
آمریکا خاریجی ایشلر باخانی پومپئو، ایرانین گلهجک آیلاردا آتماغی پلانلاشدیردیغی اوزای آراجلارینا دایر وئردیگی یازیلی آچیقلامادا، بو آراجلاردا ایستیفاده ائدیلن تکنولوژینین قارهلرآراسی گودوملو موشک تکنولوژیسی ایله عینی اولدوغونو ادعا ائدرک، تهران رهبرلیگینی پروسهنین دوردورولماماسی حالیندا داها گوجلو اقتصادی و دیپلوماتیک تجریملر تطبیق ائتمکله تهدید ائتمیشدی.
پومپئو، بو وضعیتین ایرانین موشک پروگرامینی اینکیشاف ائتدیرجگینی ساوونموشدو.
آمریکا، آلمانیا، فرانسا و اینگیلترهنین ایرانین بو آددیمینی بیرلشمیش میللتلر امنیت شوراسینین ۲۲۳۱ ساییلی قرارینی پوزما کیمی تانیملادیغینی بیلدیرن پومپئو،
"رژیمین اولوسلارآراسی گوونلیگی تهدید ائتمهسینه سسسیز قالا بیلمریک" ایفادهسینی ایشلتمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.