حسین سلامی: "آمریکادا سیاسی عقل یوخ اولموشدور
ایران اینقیلاب موحافیظهچیلری قوموتانی معاوینی حسین سلامی، آمریکادا سیاسی عقلین یوخ اولدوغونو و آمریکانین ایرانا قارشی تهدیدلرینین اؤزلرینده تأثیر ائتمدیگینی بیلدیریب
حسین سلامی: "آمریکادا سیاسی عقل یوخ اولموشدور
"ایران اینقیلاب موحافیظهچیلری قوموتانی معاوینی حسین سلامی، آمریکادا سیاسی عقلین یوخ اولدوغونو و آمریکانین ایرانا قارشی تهدیدلرینین اؤزلرینده تأثیر ائتمدیگینی بیلدیریب
"ایرانین فارس ایالتینده "مقدس ساوونما دؤورو شهیدلری تؤرنینده" دانیشان سلامی، آمریکانین نیظامی گوجونون ضعیفلدیگینی اؤنه سورهرک،
"آمریکادا سیاسی عقل یوخ اولموشدور و آمریکانین ایرانا یؤنلیک تهدیدلری تاثیرسیزدیر." دئدی.
ایران رسمی آژانسی ایرنانین خبرینه گؤره، آمریکانین سیاسی معنادا آردیجیل موقعیتینه مالیک اولمادیغینی دیله گتیرن سلامی، آمریکانین ایرانا تطبیق ائتدیگی تحریم و پیسکولوژیک ساواشی اودوزدوغونو دئییب.
آمریکا خاریجی ایشلر ناظیری مایک پومپئو، ایرانین گلهجک آیلاردا آتماغی پلانلاشدیردیغی کوسموس واسطهلرینه دایر وئردیگی یازیلی آچیقلامادا، تهران رهبرلیگینی پروسسین دایاندیریلماماسی حالیندا داها گوجلو ایقتیصادی و دیپلوماتیک تحریملر تطبیق ائتمکله تهدید ائتمیشدی.
پومپئو، ایرانین کوسموس واسطهلرینین بوراخیلماسی اوچون ایستیفاده ائتدیگی تکنیکین قارّلرآراسی ایداره اولونان موشک تکنولوژیسی ایله عینی اولدوغونو و بونون ایرانین موشک پروقرامینی گلیشدیرهجگینی ساوونموشدو.
آمریکا، آلمانیا، فرانسا و اینگیلترهنین ایرانین بو آددیمینی بیرلشمیش میللتلر امنیت شوراسینین 2231 سایلی قرارینی پوزان کیمی تصویر ائتدیگینی بیلدیرن پومپئو،
"رژیمین بین الخالق امنیتی تهدید ائتمهسینه سسسیز قالا بیلمریک." ایفادهسینی ایشلتمیشدی.