ایران، آوروپا بیرلیگی ایله مالی مکانیزم
ایران خاریجی ایشلر ناظیرلیگی سؤزچوسو بهرام قاسمی، آوروپا بیرلیگی اؤلکهلری ایله قورولاجاق مالی مکانیزمینین درمان و قیدا سکتورو محدودلاشدیریلماماسی، بوتون تیجارت قلملرینی احاطه ائتمهسی لازیم اولدوغونو سؤیلهدی
ایران خاریجی ایشلر ناظیرلیگی سؤزچوسو بهرام قاسمی، آوروپا بیرلیگی اؤلکهلری ایله قورولاجاق مالی مکانیزمینین درمان و قیدا سکتورو محدودلاشدیریلماماسی، بوتون تیجارت قلملرینی احاطه ائتمهسی لازیم اولدوغونو سؤیلهدی.
قاسمی، باشکند تهراندا کئچیردیگی مطبوعات توپلانتیسیندا گوندم ایله باغلی قیمتلندیرمهلرده تاپیلدی.
آوروپا بیرلیگی ایله یارادیلاجاق خصوصی مالی مکانیزمینین یالنیز درمان و قیدا محصوللاری محدود قالاجاغینا دایر بیر چرچیوه چکیلمدیگینی بیلدیرن قاسمی، بو کانالین ایران ایله آوروپا بیرلیگی آراسینداکی تیجارتین آسانلاشدیریلماسی اوچون قورولدوغونو و بوتون صنایع، یاتیرم و تیجارتین دیگر قلملرینی ده قاپساماسی لازیم اولدوغونو ایفاده ائتدی.
دیگر طرفدن، قاسمی، یمن مسئلهسینده ایسه، سوئدده الده ائدیلن آنلاشمانیی مثبت قارشیلادیقلارینی بیلدیرهرک،
"یمنده غلبه و یا مغلوبیت آنلاییشلارینی ایستیفاده ائتممگی اوستون توتوروق. ایستوکهولم دانیشیقلاری یاخشیدی. بونون یمن خالقی اوچون خئیرلی اولماسینی دیلییریک." دئدی.
ایسرائیل باش ناظیری بنیامین نتانیاهونون ایرانا دایر آچیقلامالاری ایله باغلی ده قاسمی،
"ایسرائیل مسئلهسینده سیاستیمیز آچیقدیر، ایشغال اولدوغو مدتجه مقاومت ده داوام ائدهجک." دئیه دانیشدی.
نتانیاهو، اؤتن هفته ایسرائیل اوردوسونون بو آندایران گوجلرینه قارشی قویان یگانه اوردو اولدوغونو دئییب،
" بیزیم سیاستیمیز پیس شئیلری خیردالیقدا دایاندیرماق اوزرینه قورولو. ایران ایله سوریهده بیرباشا موباریزه آپاراجاغیق. اؤزوموزو قوروماق اوچون نه لازیمدیرسا ائدجگیک." آچیقلاماسیندا ائتمیشدی.
ایلگیلیلی خبرلر
ایسرائیلین لبنان-ا سالدیریلاری نتیجهسینده ۶ نفر اؤلوب
ایسرائیلین اؤتن گئجه لبنان-ا ائندیردیغی هاوا ضربهلری نتیجهسینده ۶ نفر اؤلوب، ۱۵ نفر یارالانیب