ایران، سوئدده کئچیریلن یمن دیالوق گؤروشمه‌لرینی ممنونیتله قارشیلادی
ایران خاریجی ایشلر ناظیرلیگی اینترنت سایتیندا یئر آلان یازیلی آچیقلامادا، یمن‌لی طرف‌لره، اؤلکه‌دکی پروبلمین حلّینه مثبت قاتقی وئرمه‌لری، عمومی بیر راضیلاشما زمینی یاراتماق اوچون گؤروشمه‌لره فعال شکیلده قاتیلمالاری دعوت ائدیلیب
ایران، سوئدین باشکندی استوکهولم'دا کئچیریلن یمن دیالوق گؤروشمه‌لرینی ممنونیتله قارشیلادی.
ایران خاریجی ایشلر ناظیرلیگی اینترنت سایتیندا یئر آلان یازیلی آچیقلامادا، یمن‌لی طرف‌لره، اؤلکه‌دکی پروبلمین حلّینه مثبت قاتقی وئرمه‌لری، عمومی بیر راضیلاشما زمینی یاراتماق اوچون گؤروشمه‌لره فعال شکیلده قاتیلمالاری دعوت ائدیلیب.
آچیقلامادا، یمن بحرانی‌نین بیر آن اؤنجه حلّ ائدیلمه‌سی و اینسانی یاردیمین بؤلگه‌یه چاتدیریلماسی اوچون تهران رهبرلیگی‌نین اولوسلار آراسی توپلوملا هر جور امکداشلیغا حاضیر اولدوغو قئید ائدیلیب.
یمن‌لی طرف‌لر آراسین‌داکی دیالوق گؤروشمه‌لری، 2015ده سوئیس'ین بیل و ژنو شهرلری ایله 2016دا کویت'ده کئچیریلن اوچ تورون آردین‌دان ایکی ایل اوّل ایفلاسا اوغرامیشدی.
ایکی ایل آرا‌دان سونرا 6 سپتامبردا ژنو‌ده کئچیریلمه‌سی پلان‌لاش‌دیریلان یمن موضوعسوندا مشورت توپلانتی‌لاری حوثیلرین قاتیلیمی‌نین تامین اولونماماسی سببین‌دن اوغورسوزلوقلا نتیجه'لنمیشدی.
اوزون مدت‌دیر سیاسی غیری-ثابیتلیگین حؤکم سوردوگو یمن'ده، حوثیلر ایله قانونی حاکمیته باغلی گوجلر آراسیندا چاتیشما‌لار باش وئریر.
حوثیلر، سپتامبر 2014دن بو یانا پایتخت صنعا و بعضی بؤلگه‌لرین نظارتینی الینه آلارکن، سعودی عربیستانی رهبرلیگی آلتین‌داکی کوالیسیون گوجلری ایسه مارس 2015دن بو یانا حوثیلره قارشی یمن حکومتینه دستک وئریر.
یمن'ده اوچ ایلدن اوزون مدت‌دیر حوثیلر ایله سعودی عربیستانی رهبرلیگی آلتین‌داکی کوالیسیون گوجلری طرفین‌دن دستک‌لنن حکومت گوجلری آراسیندا باش وئرن توققوشما‌لاردا مین‌لرله اینسان اؤلدو.
ساغلیق باشدا اولماقلا بیر چوخ ساحه‌ده اینسانی بحران یاشانان اؤلکه‌ده، تمیز سویا نقلیاتین اولماماسی، یئترسیز قیدالانما، درمان و طبّی ماتریال‌لاردکی نقصان‌لار کیمی سبب‌لرله یولوخوجو خسته‌لیک‌لر هر کئچن گون داها دا آرتیر.
ایلگیلی‌لی خبرلر
ایسرائیلین لبنانا سالدیریلاریندا اؤلنلر وار
ایسرائیل گوجلری بو سحر ده، اؤلکه‌نین جنوبونا توپچو آتیشییلا هوجوم ائتدی
