کرکوک-‌دن نفت صادراتی یئنی‌دن باشلادی

کرکوک-ده باش وئرن بحران‌لارا گؤره بیر ایلدن بری دایان‌دیریلان نفت صادراتی یئنی‌دن تورکیه اوزرریندن باشلاییب.

عراق-ین نفت ناظرلیگی سؤزچوسو آسیم جیهاد "آنادولو" خبر آژانسینا آچیقلاماسیندا بیلدیریب کی، گونده‌لیک تقریباً 50-100 مین بوشقا نفت کرکوک‌دن جیهان لیمنانینا صادر ائدیلمه‌یه باشلاندی.

جیهاد نفت صادراتی‌نین عراق کورد بولگه سل رهبرلیگینده کی (IKBY) نفت بورو کمری و عراق میللی نفت شیرکتی (SOMO)  واسطه‌سیله ائدیلدیگینی سؤیله‌ییب.

عراق کورد بولگه سل ایداره‌سینه باغلی پئشمرگه قوه‌لری 2014-جو ایلین ژوئن آییندا کرکوک-و ترور تشکیلاتی داعش-ین هوجوملاریندان‌ قوروماق مقصدیله عراق اردوسونون بوشالتدیغی بؤلگه‌لرده یئرلشدی.

کرکوک و نفت یاتاق‌لاری تقریباً 3 ایل مودتینده عراق کورد بولگه سل ایداره‌سی-نین نظارتینده قالدی. عراق کورد بولگه سل ایداره‌سی‌-نین 25 سپتامبر 2017-جی ایل تاریخینده غیری -قانونی موستقیل‌لیک رفرندومون‌دان سونرا عراق مرکزی حکومتینه باغلی اورتاق قوه‌لر کرکوک و دیگر موناقیشه‌لی بؤلگه‌لره عملیات تشکیل ائتدی.

مرکزی حکومت کرکوک و دیگر موناقیشه‌لی بؤلگه‌لره نظارتی اله کئچیردیکدن سونرا عراق کورد بولگه سل ایداره‌سی بورو کمریله جیهان لیمانینا گؤندریلن کرکوکون خام نفت صادراتینی داندیردی.