پاکیستان تورکیه-نی CPEC -یه قوشولماغا دعوت ائتدی

پاکیستان پارلامئنتی‌نین آلت قانادی اولان میللی مجلیسین صدری اسد کایسر تورکیه-نی چین-پاکیستان ایقتیصادی دهلیزی (CPEC) لاییحه‌سینه قوشولماغا دعوت ائتدی.

پاکیستان پارلامئنتی‌نین آلت قانادی اولان میللی مجلیسین صدری اسد کایسر پاکیستان دؤولت رادیوسونا موصاحیبه وئردی.

کایسر موصاحیبه‌سینده: "پاکیستان تورکیه ایله علاقه‌لرینه اهمیت وئریر و یئنی حکومت بو موناسیبت‌لری داها دا اینکیشاف ائتدیره‌رک گوجلن‌دیرمک ایستییر" دئدی.

سعودیه عربیستانی‌نین دا اؤتن آیلاردا قوشولدوغو تخمینن 75 میلیارد دو‌لارلیق لاییحه‌یه تورکیه-نی ده دعوت ائدن کایسر: " CPECایکی قارداش اؤلکه اولان تورکیه و پاکیستانا ایقتیصادی باخیمدان فایدا‌لی اولا‌جاق. تورکیه-‌نین ایشتیراکی بوتون بولگه اؤلکه‌لری‌نین خیرینه‌دیر" دئیه دانیشدی.

میللی مجلیسین صدری تورکیه-‌نین ایسلام آبادداکی سفیری احسان مصطفی یورداکولو دا قبول ائدرکن بو ایستیینی دیله گتیردی.

یورداکول دا گؤروشده تورکیه-‌نین پاکیستانلا علاقه‌لرینه اهمیت وئردیگینی قئید ائتدی، علاقه‌لرین اینکیشاف ائتمه‌سی اوچون لازیمی شرایطین یارادیلاجاغینا سؤز وئردی.

تورکیه سفیری کایسری دسامبرین 14-ده ایستانبولدا کئچیریله‌جک "قودس اوچون پارلامئنت‌لر بیرلیگی"نین توپلانتی‌سینا دعوت ائتدی.

قئید ائدک کی، چین ایله پاکیستان آراسیندا 2014-جو ایلده باغ‌لانان موقاویله چرچیوه‌سینده حیاتا کئچن CPEC چین-ین سینجان ایالتیندن باشلاییب پاکیستانین گوادار لیمانیندا سونا چاتیر.

قورو یولو، دمیر یولو، نفت و گاز بورو کمری، نفت پالایشگاهی و لیمان کیمی بؤیوک لاییحه‌لری احاته ائدن CPEC چینه، افریقایا و اورتا دوغویا قیسا و اوجوز یولو تامین ائده‌جک.

CPEC پاکیستانا چین مال‌لارینی دونیایا چات‌دیران اؤلکه موضعینی قازان‌دیرا‌جاق، اؤلکه‌ده یئنی ایش یئرلری‌نین آچیلماسینا سبب اولا‌جاق.

لاییحه‌یه اؤتن آیلاردا قوشولان سعودیه عربیستانی ایسه اؤلکه‌سی‌نین ان بؤیوک ایکینجی نفت پالایشگاهینی پاکیستاندا یاراتماق قرارینا گلدیب. بو سایه‌ده سعودیه عربیستانی نفتی پاکیستان اوزریندن چینه داها قیسا مودتده چات‌دیریلا‌جاق.