محمود عباس ایله عبد الفتاح السيسی فیلیسطین مسئله‌سینی موذاکیره ائده‌جک‌لر

فیلیسطین-ین دؤولت باشچی‌سی محمود عباس ایله میصر پرزیدنتی عبد الفتاح السيسی میصرین شرم الشيخ  شهرینده کئچیریله‌جک "دونیا گنج‌لر فورومو" چرچیوه سینده فیلیسطین مسئله‌سینی موذاکیره ائتمک اوچون گؤروشه‌جک‌لر.

فیلیسطین-ین قاهره-ده کی سفیری و عرب بیرلیگی‌نین دایمی نماینده‌سی دیاب اللوح  دؤولت باشچی‌سی عباس ین گونورتا‌دان سونرا یوکسک سویه‌لی بیر هئیتله میصره گئدجگینی بیلدیردی.

اللوح عباس و سیسی آراسیندا فیلیسطین مسئله‌سیندکی سون پروسه لرین و اورتاق اهمیت‌لی مسئله‌لرین موذاکیره اولوناجاغی بیر گؤروشون پلانلاشدیریلدیغینی قئید ائتدی.

بو آرادا، آدی‌نین آچیقلانماسینی ایستمه‌ین فیلیسطین‌لی بیر منبع میصر کشفیاتی‌نین ایسراییل ایله حماس آراسینداکی آتشکس دانیشیق‌لاریندا اهمیت‌لی ایرلیلییش تامین ائتدیگینی بیلدیردی.

عباس ین حماس-ین غزه زولاغی‌نین ایداره‌سینی تحویل وئرمه‌دن و فیلیسطین‌لی قروپ‌لار آراسیندا راضی‌لیق الده اولونما‌دان ایسراییل ایله کئچیریله‌جک آتشکه‌سی رد ائتدیگینی و بو وضعیتین آتشکه‌سین تاماملانماسینا مانع چی‌لیک تؤرتدیگینی ایفاده ائدن فیلیسطین‌لی منبع میصردکی گؤروشده سیسی‌نین عباسی حماس ایله باریشیق دانیشیق‌لارینا یئنی‌دن باشلاماسی و آتشکه‌سین قبول ائدیلمه‌سی ایستیقامتینده یولا گتیرمه‌یه چالیشاجاغینی قئید ائتدی.

میصر پرزیدنتی 3-6 نوامبر تاریخ‌لرینده شرم الشیخ-ده کئچیریله‌جک "دونیا گنج‌لر فورومو"نا قاتیلماسی اوچون فیلیسطین‌لی همکاری محمود عباسا دعوتنامه گؤندرمیشدی.

عباس و سیسی سون دفعه سپتامبر آییندا امریکا‌نین نیویورک شهرینده کئچیریلن بیرلشمیش میللت‌لر تشکیلاتی‌نین باش مجلیسی‌نین 73-جو توپلانتی سی چرچیوه‌سینده گؤروشموشدولر.

فیلیسطین-‌نین دؤولت باشچی‌سی اکتبرین 2-ده عمانا سفر ائتمیش، سلطان کابوس ایله بیر آرایا گلمیشدی.

گؤروشده فیلیسطین مسئله‌سینه دایر سون ایرلیلییش‌لر و امریکانین قودسو "ایسراییل-ین پایتاختی" اولا‌راق تانیماسی مسئله‌لری اطرافیندا فیکیر موبادیله سی آپاریلمیشدی.